Redmi Note 7 Pro Mein Naye MIUI Update Ke Saath Aaya Fortnite Game Support: Users Aise Karein Update

Realme 3 Pro ko jis highlight, Fortnite game direct support ke saath promote kiya gaya tha, aaj finally Redmi Note 7 Pro mein bhi ye game support aa gaya hai. Realme 3 Pro ke launch ke kuch samay baad, Redmi ne bhi announce kiya tha ki jaldi hi MIUI OTA update ke saath, Redmi Note 7 Pro mein bhi Fortnite support milega. Aaj company ne apna promise poora karte huye, ye update jaari kiya.

Realme 3 Pro ko Redmi Note 7 Pro ki takkar mein launch kiya gaya aur saath hi company CEO ne bhi clearly kaha ki Realme 3 Pro mein is game ka support hai, jabki Redmi Note 7 Pro users is game ko enjoy nahin kar sakte. Aur aaj ek month ke andar hi Xiaomi ne apne Redmi Note 7 Pro ke customers ke liye ye update announce kiya hai.

Xiaomi India Head, Manu Kumar Jain ne khud twitter ke through ye confirm kiya hai ki naya MIUI 10.2.10.0 update, Fortnite support ke saath aa gaya hai. Ab Redmi Note 7 Pro users bhi is game ko enjoy kar sakte hain.

Aaiye ab aapko bataate hain ki, kis tarah aap is naye MIUI 10.2.10.0 update ko apne Redmi Note 7 Pro par paa sakte hain.

Ye update patch company ke taraf se roll out ho chuka hai aur agar aapne apne phone par updates ke liye automatically check on kiya hua hai, to aapko jaldi hi is latest update ka notification mil jayega. Update ke liye notification aate hi, aap update shuru karein aur screen par aa rahe instructions ko follow karein. Update hote hi, aap apne Redmi Note 7 Pro par Fortnit game khel sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: