Redmi Note 7 Pro Khareedne Se Pehle Aapko Check Kar Lene Chaiye Yeh Pros And Cons

Last month February mein Xiaomi ne Redmi series ke ek aur smartphone Redmi Note 7 Pro ko launch kiya tha. Iss phone ki highlight iska camera tha jo ki 48MP ka diya gaya hai. Company ne iss phone ko mid-budget smartphone ki list mein rakha hai jis se user ke liye yeh phone affordable rahe. Lekin jaisa ki kaha jaata hai ” Everything is Not Perfect” waise hi iss phone mein kuch khaasiyat hai to wahin kuch kamiyan bhi hain. Iss mid-budget smartphone ko kharedne se pehle aapko iss phone ke good and bad dono points pata hona jaruri hai.

 

Pros Points

1. Processor 

Redmi Note 7 Pro mein Qualcomm Snapdragon 675 Octa core Kyro 460 processor diya gaya hai, jo iss range ke kisi bhi phone mein jaldi dekhne ko nahi milta hai. Iss processor ko company ne 11nm FinFET mobile platform par design kiya hai. Iss processor ke saath aane wale kisi bhi phone ke liye aapko minimum Rs 20,000 pay karne padte hain. Wahin Redmi Note 7 Pro ki shuruaat Rs 13,999 se hoti hai. Snapdragon 675 processor ke saath aane wala yeh phone aapko kahin bhi lag karta hua nazar nahi aata hai, jo ki achi performance ke liye ek jaruri point hai.

 

2. Glass Back Panel 

 

Company ne iss phone ke design ko Aura design naam diya hai. Phone ke front panel ke alawa rear panel par bhi glossy glass finish diya gaya hai. Yahan company ne front aur rear dono hi panel par corning gorilla glass 5 ka use kiya hai. Yeh phone ko scratches se protect karne mein help karta hai. Saath hi phone gradient colors ke saath glass panel mein kaafi attractive look deta hai.

 

3. Camera 

No doubt, iss phone ka camera kaafi impressive hain. Jiska reason hai ismein diya gaya 48MP ka primary camera jo ki Sony IMX586 sensor ke saath aata hai. Phone ke camera ko day and night dono hi tarah ki photography ke liye design kiya gaya hai. Phone mein 1.6μm 4-in-1 high sensitivity pixel diye gaye hain jo ki steady night photography mein help karte hain. Phone mein secondary camera 5MP ka aur front camera 13MP ka milta hai. Front camera mein aapko AI beauty, AI portrait aur AI face unlock jaise features mil jaate hain.

 

4. Notch Display 

Trend mein chal rahi notch display aapko iss phone mein bhi dekhne ko mil jaati hai. Company ne phone mein wide notch ko naa dete huye dot notch ko diya hai jo ki screen par jyada space ko cover nahi karti hai aur dekhne mein bhi bhadiya lagti hai.

 

Cons Points 

1. Camera Bump 

Redmi Note 7 Pro mein camera to aapko kaafi acha milta hai lekin phone ke rear panel par diya gaya baggy camera bump thoda annoying lagta hai. Jiski wajah se aap phone ko bina phone cover ke use nahi kar sakte hain. Without cover use karne par camera ke glass par scratches aana possible hai.

 

2. Charger

Redmi Note 7 Pro mein 4000mAh ki battery di gayi hai jo quick charge 4.0 ko support karti hai. Lekin phone ke saath aane wala charger quick charge 4.0 ko support nahi karta hai. Fast charging ke liye aapko 18W ka charger separately purchase karna padega jiski market cost approximately Rs 2,000 hai. Iske alawa normal charger se charge karne par yeh phone heat bhi produce karta hai. Saath hi heavy graphic video dekhte samay ya fir game play karte time bhi yeh phone kaafi heat generate karta hai.

 

3. Glass Panel 

 

Phone mein rear aur back panel glass finish mein aata hai jo dekhne mein to acha lagta hain lekin phone ko touch karne par smudges easily visible ho jaate hain. Jo ki phone cover use karne ke liye ek aur main reason ban jaata hai.

 

4. Advertisements 

Xiaomi ke baaki phones ki tarah iss phone mein bhi aapko advertised apps hamesha dikhai deti hai. Kisi bhi apps ke group icon par click karne par saath mein more apps ka option aata hai jis se by mistake touch hone par bhi app phone mein download hona shuru ho jaati hai. Jo ki spam apps ka bhi reason banti hai. Iske alawa phone mein milne wale pre-loaded apps bhi aapke phone ka kaafi space cover karte hain. Aap third party milne wali apps ko delete kar sakte hai lekin phone ki pre-loaded apps ko remove nahi kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: