Redmi Note 7 Pro 6GB+128GB Variant Xiaomi India Website Par List Hua, 3rd April Se Is Price Par Sale Ke Liye Available

Xiaomi India ne Redmi Note 7 Pro ko February 2019 mein launch kiya tha, jiske baad ye smartphone kayi baar sale ke liye available hua, lekin iska 6GB+128GB version abhi tak India mein available nahin hai. Redmi Note 7 Pro ke 6GB+128GB variant ko finally Xiaomi India ki website par aaj dekha gaya hai aur saath hi company ne confirm bhi kar diya hai ki ye smartphone India mein 3rd April yaani ki kal sale ke liye available hoga.

4GB+64GB version ke baad, fans ko kaafi samay se is smartphone ke 6GB+128GB variant ka intezaar tha, jo ki kal yaani ki 3rd April ko 16,999 INR ke price par first time sale ke liye available hoga. Redmi Note 7 Pro ke is version ko aap Flipkart , Mi.com aur Mi Home Stores se purchase kar sakte hain.

Specs ek baar phir se aapko bataate hain. Redmi Note 7 Pro mein 6.3 inch ki full HD+ display, Corning Gorilla Glass 5 protection ke saath di gayi hai. Snapdragon 675 chipset par chalne waale is smartphone mein 48+5 MP ke dual rear cameras hain, 4000mAh ki battery, 18w fast charging Qualcomm Quick Charge 4.0 support ke saath hai aur Android 9.0 Pie OS ke saath MIUI 10 interface hai.

Iske alawa ismein aapko 13 MP ka selfie camera, rear mounted fingerprint scanner, audio jack, hybrid dual SIM slot aur dual 4G VoLTE support jaise features milte hain.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: