Redmi Note 7 India Launch Ki Date Reveal Hui; Xiaomi Fans Bhi Launch Event Mein Le Sakte Hain Hissa

Redmi Note 7 ko Twitter par kaafi samay se tease kiya jaa raha tha aur Xiaomi India ke MD Manu Kumar Jain ne confirm bhi kiya tha ki ye phone jaldi hi India mein launch kiya jayega. Aur finally Redmi ne aaj apne is affordable phone, Redmi Note 7 ki India launch date announce kar di hai. Saath hi company ne ye bhi bataaya ki kis tarah Xiaomi fans bhi is event ka hissa ban sakte hain.

Redmi Note 7 India mein 28th February ko launch hone waala hai. Saath hi is event mein hissa lene ke liye company aaj se hi tickets kharidne ke liye registrations shuru honge. Iski khabar bhi Redmi India ke Twitter handle se hi pata lagi hai. Redmi Note 7 ka launch invite aap upar dekh sakte hain.

Is launch event ki tickets kharidne ke liye aap yahaan click karein aur register karein. Iske alawa yahaan likha gaya hai, “Limited seats! 4800 RTs and we will give away Redmi Note 7.”

Aapko bata dein ki, Redmi Note 7 mein 6.3 inch ki full HD+ display, Snapdragon 660 chipset, Corning Gorilla Glass 5 protection jaise features moujood hain. Saath hi ismein 3GB RAM with 32GB ROM, 4GB RAM with 64GB ROM, 6GB RAM with 64GB variants aapko mil sakte hain.

Is handset ki highlight hai, iska 48 MP primary rear camera, jo ki f/1.8 aperture aur LED flash light ke saath aata hai. Iske alawa secondary 5 MP sensor, depth focusing ke liye yahaan aapko mil jaata hai. Ismein MIUI 10 ke saath Android 9.0 Pie OS hai aur Qualcomm Quick Charge 4+ ke saath 4000mAh ki battery hai.

Price ki baat karein to, China mein is handset ki starting price 999 yuan yaani ki lagbhag 10,300 INR hai. Maana jaa raha hai ki India mein iski kimat lagbhag yahi hogi. Well, actual price kya hogi, iske liye 28th February tak ka wait to karna hi hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: