Redmi Note 7 And Note 7 Pro Launched in India; China Variant Se Different Hai Phone

As an independent sub-brand, Redmi ne aaj apna first smartphone Redmi Note 7, India mein launch kar diya hai. Aur jaisa ki humne aapko bataaya tha, Redmi Note 7 Pro bhi Indian market mein entry kar raha hai. Company ne aaj in dono smartphones ko press event mein showcase kiya.

Saath hi hum aapko ye bhi bata chuke hain, in smartphones mein major difference chipset aur camera lens ka hai, iske alawa baaki features same hi hain.

Redmi Note 7 aur Note 7 Pro mein 6.3 inch ki waterdrop notch display hai, jo ki full HD+ resolution ke saath di gayi hai. Saath hi Corning Gorilla Glass 5 ka protection bhi is par milta hai aur saath hi ismein kuch display modes jaise ki sunlight display, reading mode bhi included hain.

Redmi Note 7 mein Snapdragon 660 chipset hai, jabki Note 7 Pro mein Octa Core Snapdragon 675 SoC hai. Performance wise of course Redmi Note 7 Pro hi behtar hai.

Iske alawa jo change aapko yahaan par milta hai, wo ye hai ki Redmi Note 7 ko China version ki tarah 48 MP camera ke saath launch nahin kiya gaya hai. Is smartphone mein aapko 12+2 MP ke dual rear cameras milte hain.

Iske alawa Redmi Note 7 Pro mein 48 MP ka primary camera aur 5 MP ka secondary camera (depth focus) shaamil hai. Saath hi yahaan par company ne ise Sony IMX586 sensor ke saath hi launch kiya hai, jaise ki company pehle announce kar chuki thi. Isi ke saath is smartphone ke camera features mein pixel binning, night mode, AI scene detection and Portrait Mode 2.0 jaise features bhi shamil hain. Saath hi studio lighting mode bhi aapke images ko attractive banaane ke liye is smartphone mein jaldi hi OTA update ke through available hoga.

In dono smartphones mein yahaan par 4000mAh ki battery, Quick Charge 4.0 fast charging support ke saath milti hai. Iske alawa USB Type-C charging port hai aur audio jack bhi diya gaya hai.

Other features mein rear mounted fingerprint sensnor, IR sensor, dual 4G VoLTE, Wi-Fi 802.11 ac, Bluetooth 5, GPS + GLONASS, USB Type-C port shaamil hain.

Ab baat karte hain pricing details ki, to Redmi Note 7 Pro aur Redmi Note 7, dono ko hi two storage options mein release kiya gaya hai.

Redmi Note 7 Pro ko Neptune Blue, Nebula Red aur Space Black color option mein launch kiya gaya hai aur aap 13th March se is handset ko purchase kar sakte hain.

  • 4GB+64GB storage options – 13,999 INR
  • 6GB+128GB storage option – 16,999 INR

Jabki Redmi Note 7 ko Blue, Black aur Red colors mein launch kiya gaya hai. Is smartphone ki sale 6th March se start hogi.

  • 3GB+32GB storage options – 9,999 INR
  • 4GB+64GB storage variant – 11,999 INR
Facebook Comments

Recommended For You

About the Author: Pooja Choudhary

1 Comment

Leave a Reply

Your email address will not be published.

%d bloggers like this: