Redmi Note 7, 48 MP Camera Aur Waterdrop Notch Ke Saath Launch Hua

As a independent sub-brand, Redmi ne aaj apna first smartphone, Redmi Note 7 China mein launch kar diya hai. Is smartphone ko Black, Blue aur Purple gradient color options mein launch kiya gaya hai. Saath hi company ne iske three storage options announce kiye hai.

Aaiye Ab badhte hain, phone ke detailed specs ki taraf. Aaiye dekhte hain ki Redmi Note 7 mein aapko kya milne wala hai. Sabse pehle, Redmi Note 7, company ka first smartphone hai, jo ki 48 MP primary rear camera ke saath launch kiya gaya hai, saath hi ismein 5 MP ka secondary rear camera hai, jo ki depth focusing ke liye hai. Ye camera aapko f/1.8 aperture, LED flash light, aur PDAF ke saath aayega.

Iske alawa is hybrid dual SIM based smartphone mein 6.3 inch ki full HD+ display hai, aur ye 19.5:9 aspect ratio aur Corning Gorilla Glass protection ke saath di gayi hai. Lekin yahaan aapko Octa Core Qualcomm Snapdragon 660 chipset mil raha hai, jabki is smartphone mein Snapdragon 710 expect kiya jaa raha tha.

Aaiye ab baaki details bhi hum aapko bataate hain. Redmi Note 7 mein Android 9.0 Pie OS ke saath MIUI 10 moujood hai aur ismein aapko 4000mAh ki battery, Quick Charge 4.0 fast charging support ke saath mil rahi hai.

Hum jaante hain ki aapko processor se thodi niraasha zaroor hui hogi, lekin wahin iski pricing details jaankar aapko zaroor achha lagega. Lekin usse pehle iske other features bhi aap jaan lijiye, jinmein rear mounted fingerprint sensnor, IR sensor, dual 4G VoLTE, Wi-Fi 802.11 ac, Bluetooth 5, GPS + GLONASS, USB Type-C port shaamil hain.

Redmi Note 7 ke three storage options aur unke prices aap neeche dekh sakte hain. China mein ye pre-order ke liye aaj se hi available hain.

  • 3GB RAM + 32GB storage – 999 yuan (approx. 10,300 INR).
  • 4GB RAM + 64GB storage – 1199 yuan (approx. 12,500 INR).
  • 6GB RAM + 64GB storage – 1399 yuan (approx. 14,500 INR).

Isi ke saath company ne ye bhi announce kiya hai ki Redmi Note 7 mein Samsung sensors ka istemaal kiya gaya hai. Aur Spring mein company Sony sensors aur enhanced specs ke saath Redmi Note 7 Pro ko launch karegi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: