Redmi Note 5 February Mein De Sakta Hai Dastak, Leak Hui Sabhi Specifications

Abhi tak ki khabar to yahi thi ki Xiaomi is samay apne naye flagship smartphone Mi 7 ko launch karne ki taiyaari kar raha hai, jiska event MWC 2018 ke dauraan hoga. Lekin haal hi mein aayin afvaahein ye ishaara kar rahi hain ki Xiaomi Mi 7 se pehle Redmi Note 5 launch kar sakta hai.

Pichle mahine launch huye Redmi 5 Plus ko log Redmi Note 5 ka replacement maan rahe the, lekin is afvaah ki taraf dhyaan dein to ye shayad sach nahin hai. Xiaomi ka Redmi Note 5 na kewal India mein balki globally most awaited smartphone hai, jiska intezaar log bahut pehle se kar rahe the, saath hi Xiaomi bhi ye baat jaanta hai ki Redmi Note 4 ke response ke baad Redmi Note 5 ka log besabri se intezaar kar rahe hain aur ise behad achha response bhi milega.

Darasal, Redmi Note 5 ke launch ki khabar bhi yun hi nahin aayi hai. Haal hi mein China mein Xiaomi ke 2 smartphones ko 3C approval mila hai jinke model number hain MEE7 aur MET7, jo ki dikhne mein similar hi lagte hain. Isiliye ye maana jaa raha hai ki ye dono smartphones Redmi Note 5 ke 2 variants ho sakte hain.

Agar ye khabar sahi hai to, Redmi Note 5 5.99 inch ki 18:9 display ke saath aayega jismein FHD resolution hoga. Is handset mein aapko Snapdragon 630 mil sakta hai jiske saath 3GB / 4GB RAM aur 32GB / 64GB storage variants ho sakte hain.

Redmi Note 5 mein 16 + 5 MP ka dual rear camera setup aa sakta hai aur selfies ke liye front par 8 MP ka camera ho sakta hai. Halaanki flash kewal rear camera ke saath aayegi ya dono ke saath ye kehna abhi mushkil hai. Rumors ki maanein to ismein Android 8.0 Oreo ke upar MIUI 9 mil sakta hai aur saath hi facial recognition feature bhi aa sakta hai.

Facebook Comments

Recommended For You

About the Author: Pooja Choudhary

1 Comment

Leave a Reply

Your email address will not be published.

%d bloggers like this: