Redmi Note 11T 5G Vs Realme 8s 5G Vs Lava Agni 5G Comparison

Redmi Note 11T 5G India mein launch ho chuka hai. Phone ki starting price 16,999 INR hai aur is price mein ye ek achha 5G smartphone hai. Lekin India mein is price range mein Lava Agni 5G aur Realme 8s 5G bhi pehle se available hain, jo iske strong competitors hain. Is price range mein agar aapko phone lena hai, to Redmi Note 11T ko Realme 8s aur Lava Agni 5G ke saath compare karke dekhne par aapko jawaab mil jayega.

To, aaiye shuru karte hain Realme 8s 5G vs Redmi Note 11T 5G Vs Lava Agni 5G.

Design & Display

Realme 8s, aur Lava Agni 5G ki tarah Redmi Note 11T 5G bhi ek plastic se bana phone hai, jismein aapko matte finish touch milta hai. Saamne ki taraf sabhi mein badi screen aur punch-hole camera design bhi hai. Lava aur Redmi yahaan screen par aapko Corning Gorilla Glass 3 protection bhi dete hain, jabki Realme 8s mein wo nahin hai.

Redmi Note 11T 5G mein 6.6 inch ki full HD+ LTPS LCD display hai, Realme 8s 5G mein 6.5 inch ki FHD+ LCD display hai aur Lava Agni mein 6.78 inch ki FHD+ LCD display hai. In sabhi mein, sirf Redmi Note 11T 5G mein hi dust and splash-resistance ke liye IP53 certification milta hai.

Wahin in sabhi phones mein agar aapko lightweight chunna hai, to Realme 8s 5G ka weight 191 grams hai, jabki Redmi ke phone ka weight 195 aur Lava Agni 5G ka weight 204 grams hai.

Chipset & Storage

Ye teenon smartphones hi Octa Core MediaTek Dimensity 810 chipset ke saath aate hain. Lekin Lava Agni 5G mein aapko sirf 8GB RAM option hi milta hai, jabki baaki dono ki starting price isiliye kam hai, kyonki unmein aapko 6GB RAM options bhi diye gaye hain.

Lava Agni 5G mein 8GB LPDDR4x RAM ke saath 128GB storage hai, Realme 8s 5G mein 6GB RAM ke saath 128GB aur 8GB RAM ke saath bhi 128GB storage options hain. Wahin Redmi Note 11T 5G mein 6GB+64GB, 6GB+128GB aur 8GB+128GB ke three storage options milenge.

Storage mein yahaan Lava Agni mein UFS 2.1 storage hai, Realme mein bhi UFS hai, lekin kaun-sa wo nahin pta hai, jabki Redmi ke phone mein UFS 2.2 storage hai, jo is teenon mein sabse fast hai.

Camera & Battery

Recently launch huye Redmi Note 11T 5G mein aapko 50MP + 8MP ke dual rear cameras milte hain, wahin Realme 8s 5G mein 64MP + 2MP + 2MP ke triple rear cameras milte hain, jabki Lava Agni 5G ko quad rear camera setup (64MP + 5MP + 2MP + 2MP) ke saath launch kiya gaya hai.

In sabhi mein Lava Agni 5G ki camera performance achhi nahin hai, jabki Realme 8s 5g phir bhi thik hai. Halaanki Redmi ke phone ki on paper ki achhi hai, lekin reality kya hai, wo bhi aapko jaldi hi bata diya jayega.

In sabhi phones mein 5000mAh ki battery milti hai, Redmi aur Realme, dono hi aapko 33W fast charging offer karte hain, wahin Lava Agni ke saath 30W ka charger milta hai. Halaanki kaha jaa raja hai ki lekin sabse achhi fast charging (33W) Redmi Note 11T mein hi hai.

Aur detail mein comparison jaanne ke liye aap hamaara ye video zaroor dekh sakte hain-

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: