Redmi Note 10T 5G India mein launch hua: Specifications & Price Details

Xiaomi ne aaj India mein finally Redmi Note 10 series mein naya affordable smartphone Redmi Note 10T 5G launch kar diya hai. Phone mein dual SIM 5G support hai aur ye handset 14K se kam ki price par India mein aaya hai.

Redmi Note 10T 5G ke two storage variants release huye hain aur ye Amazon, Mi.com, Mi Home Stores aur retail partners par 26th July se sale ke liye available honge.

  • 4GB+64GB model – 13,999 INR
  • 6GB+128GB model 15,999 INR
  • HDFC credit card holders ko phone kharidne par 1,000 INR ka flat discount milega.

Redmi Note 10T 5G mein 6.5 inch ki full HD+ Dynamic switchdot display hai. Ye 90Hz adaptive refresh rate ke saath aayegi, ismein display content ke according refresh rate ko automatically adjust kar leti hai. Video streaming ke dauraan 30Hz, static display par 50Hz, live videos ke liye 60Hz aur games & scrolling ke liye 90Hz refresh rate apne aap screen adjust karti hai. Saath hi ismein Corning Gorilla Glass protection bhi hai.

Is dual SIM based smartphone ko power dene ke liye Octa Core MediaTek Dimensity 700 7nm chipset hai jo 4GB / 6GB RAm options ke saath aayega. Ismein aapko UFS 2.2 storage milegi jo phone ki performance ko aur increase kar deti hai.

Redmi Note 10T 5G mein triple rear cameras diye gaye hain. Camera module mein 48MP ka primary camera (f/1.79 aperture, LED flash light) , 2MP ka macro sensor (f/2.4 aperture) aur 2MP ka depth sensor moujood hai. Selfies ke liye screen mein punch-hole cutout hai jismein 8MP ka camera f/2.0 aperture ke saath fitted hai. Ismein 5000mAh ki massive battery 18W fast charging technology ke saath milegi. Halaanki company aapko box mein 22.5W ka charger offer kar rahi hai.

Ismein aapko hybrid dual SIM slot milta hai jismein aap ek SIM ke saath 1TB tak ka microSD card use kar sakte hain ya phir do 5G SIMs use kar sakte hain. Iske alawa 3.5mm audio jack bhi yahaan hai jo aaj kal kaafi phones mein se hataaya jaa raha hai. Saath hi side mounted fingerprint sensor, USB Type-C port bhi ismein aapko diye gaye hain. Software side par Android 11 ke saath MIUI 12.5 skin milti hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: