Redmi Note 10 series next week China mein hogi launch

Xiaomi ne aaj announce kar diya hai ki wo China mein nayi Redmi Note 10 series ko launch karne waale hain. Company is nayi series ko China mein 26 May ko introduce karne jaa rahi hai. Isko lekar lagaatar teasers aur posters bhi share kiye jaa rahe hain.

Well aaiye launch se pehle is smartphone se related kuch information hum bhi aapke saath share kar lete hain. Is series mein jo smartphones aayenge unmein basic version mein Mediatek Dimensity 700 series ka chipset aayega. Halaanki kuch reports ye bhi keh rahi hain is Redmi Note 10 series ke top variant mein Dimensity 1100 chipset aa sakta hai. Is series mein three smartphones ke launch ki charcha ho rahi hai.

Company ne jo teaser share kiya hai usmein phone ko Blue color mein dekha jaa sakta hai aur rear panel par triple rear cameras fitted hain. Phone par 3D dimensional texture hai aur ye ultra fine sandblasting ke saath aayega, jisse ye fingerprint catch nahin karega.

Top end variant jo shayad Redmi Note 10 Pro+ ya Note 10 Pro Ultra naam ke saath aayega, mein dual channel UFS 3.1 storge support aayega jo 8 mainstream games ke high frame rate mode ko support karega. Saath hi ismein 16370mm² VC liquid cooling  graphite system bhi hoga.

Redmi ki is Note 10 series ka jo mid variant aayega uska naam Redmi Note 10 Pro ho sakta hai aur usmein MediaTek Dimensity 900 series ka koi chipset expect kiya jaa raha hai.

Is Redmi Note 10 series ke smartphones ke features ko lekar kuch rumors saamne aaye hain. Inke according Redmi Note 10 5G jise base variant bataya jaa raha hai mein 90Hz full HD+ LCD display aa sakti hai. Saath hi rumours kehte hain ki is phone mein 48MP primary rear camera hoga. Wahin Redmi Note 10 Pro 5G mein 120Hz full HD+ display ke saath 64MP ka main camera lens aane ke rumors hain aur ismein 33W fast charging support bhi hoga. Wahin top-end variant mein 120Hz OLED display aa sakti hai, 108MP primary rear camera aur 67W fast charging support aane ki charcha hai.

Well 5 dinon mein ye nayi series hamaare saamne hongi, lekin filhaal India mein iske launch ki koi news nahin hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: