Redmi launch Kar Sakta Hai Do Flagship Devices, Leaks Mein Saamne Aaye Phones Ke Model Numbers

Xiaomi ke aane wale smartphone Redmi Flagship ko le kar ek aur news saamne aayi hai jismein bataya gaya hai ki company ek nahi balki 2 flagship smartphones ko launch kar sakti hai. Shuruaati leaks mein bataya gaya tha ki company Redmi Flagship ko Snapdragon 855 chipset ke saath launch kar sakti hai wahin Redmi ki dusri flagship device Snapdragon 710 ya fir Snapdragon 730 processor ke saath launch ki jaa sakti hai.

 

Tipster Ishan Agarwal ne apne social media handle par bataya hai ki Xiaomi jaldi hi Redmi Flagship ki 2 devices ko launch kar sakta hai jinmein aapko 3 color variants Red, Blue aur Carbon Fibre dekhne ko milenge. Saath hi unhone yeh bhi bataya hai ki inn devices mein aapko multiple storage option dekhne ko mil sakte hain jinmein  6GB+64GB, 6GB+128GB, 8GB+128GB aur 8GB+256GB storage variants shaamil hain.

 

Iske alawa Ishan Agarwal ne apne ek tweet mein yeh bhi bataya hai ki Redmi ki 2 devices ke model numbers bhi saamne aaye hain jo ki M1903F10 aur  M1903F1 bataye jaa rahe hain. Expect kiya jaa raha hai ki M1903F10 yeh model number POCO F2 smartphone ka ho sakta hai. Saath hi dusri flagship device POCO F2 hi ho sakti hai. Inn dono smartphone model numbers ko ek Chinese certification website par dekha gaya hai. Iske alawa rumors hain ki Redmi flagship device ka naam Redmi K20 Pro ho sakta hai.

 

Abhi tak saamne aayi leaks mein bataya gaya hai ki Redmi flagship device ko  Snapdragon 855 processor, 6.39 inch ki full HD+ screen ke saath launch kiya jaa sakta hai. Saath hi iss device mein 6GB aur 8GB RAM option ke saath 256GB tak ki storage dekhne ko mil sakti hai. Well, abhi Xiaomi ke smart hardware division general manger ne Tang Mu ne hint ke through yeh bataya hai ki company 13th May ko aane wali flagship devices ko launch kar sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: