Redmi Ke Upcoming Flagship Smartphone Ke Key Specifications Leak Huye

Redmi ke ek independent sub-brand banne se pehle ye khabar market mein aa chuki thi ki Xiaomi ek flagship smartphone par kaam kar raha hai, jismein Snapdragon 855 chipset hoga aur Redmi ko sub-brand announce karne ke baad se, is khabar ko lekar aur bhi jyada leaks aane shuru ho gaye hain. Company ke officials ki taraf se bhi ye confirm kiya jaa chuka hai ki Redmi ke upcoming flagship smartphone mein Snapdragon 855 chipset hoga aur saath hi ismein 3.5mm headphone jack bhi moujood hoga.

Lekin aaj iske alawa ek Chinese tipster ne, Redmi upcoming flagship smartphone ke lagbhag sabhi key specs reveal kiye hain. Tipster ke according, is upcoming Redmi phone mein humein 6.39 inch ki display milne waali hai, maana jaa raha hai ki ye full HD+ resolution ke saath aayegi.

Iske alawa Redmi upcoming flagship smartphone mein 8GB ki RAM aur 128GB ki internal memory hogi. Saath hi ismein bhi haal hi mein India mein launch huye Redmi Y3 ki tarah 32MP ka selfie camera aayega. Iske rear panel par aapko triple rear cameras dekhne ko mil sakte hain, jinmein 48 MP ka primary camera, 8 MP ka secondary shooter aur 13 MP third rear camera hoga. Halaanki camera ki details saamne abhi nahin aayi hain.

Company ne GM Lu Weibing ne bhi khulaasa kiya tha ki is upcoming smartphone par kaam kiya jaa raha hai, lekin ye launch kab hoga, iski details saamne nahin aayi hain. Saath hi unhone ye bhi kaha tha, ki is smartphone ke liye wait karna to banta hai, kyunki ismein higher screen to body ratio, better performance aur better camera aane waala hai. Is khabar ko sunne ke baad, is flagship smartphone se expectation aur bhi badh chuki hain.

Well, aisa pehli baar nahin hai ki is smartphone ke leaks saamne aaye hain, lekin market mein iski khabarein badhti hi haa rahi hain. Ummid hai ki aane waale samay mein iske design ko reveal karti koi image bhi hamaare saamne aaye. Iske alawa company ek aur smartphone par bhi kaam kar rahi hai, jismein humein Snapdragon 730 dekhne ko mil sakta hai, lekin iski abhi koi leaks saamne nahin aayin hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: