Redmi Ke Snapdragon 855 Phone Ka Naam Aur Image Reveal Hui

Is year ke starting se hi Redmi ke ek flagship smartphone, jismein Snapdragon 855 chipset hoga, ko lekar khabarein aa rahi hain. Saath hi Redmi ke fans bhi, is upcoming smartphone ke liye behad excited hain aur yahi excitement dekhte huye, aaj hum aapke saath ye news share kar rahe hain.

Redmi ke is upcoming smartphone ka naam ek poster mein nazar aaya hai, is poster ko aap neeche dekh sakte hain. Company ne haal hi mein ek video teaser bhi reveal kiya tha aur aaj is poster se bhi ye confirm hota hai ki is smartphone mein humein pop-up selfie camera milne waala hai. Is handset ka naam Redmi X hai, jaisa ki aap is poster mein dekh paa rahe hain.

Snapdragon 855 ke saath aane waale Redmi X ke rear panel par, triple rear cameras moujood hain, lekin yahaan rear mounted fingerprint reader nahin hai, yaani ki aapko in-display fingerprint scanner bhi milne waala hai.

Iske alawa ek aur poster Chinese social networking site Weibo par leak hua hai, jismein is smartphone ki launch date bhi share ki gayi hai. Is poster ke according, Xiaomi is smartphone ko China mein 14th May ko launch kar sakti hai. Halaanki company ne iski abhi tak koi confirmation nahin di hai.

Redmi X mein notchless display hai aur expect kiya jaa raha hai ki ye 6.3 inch ki full HD+ display hogi. Is handset mein humein 8GB tak ki RAM aur 128GB tak ke storage options dekhne ko mil sakte hain aur iski battery 4000mAh ki hogi. Maana jaa raha hai ki, haal hi mein India mein launch huye Redmi Y3 ki tarah, ismein bhi 32MP ka front camera aur 48 MP ka primary rear camera hoga.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: