Redmi Ke Punch-Hole Selfie Camera Ke Saath Aane Wale First Phone Ka First Teaser Company Ne Reveal Kiya

Isi saal company ne apni K-series ki shuruaat ki hai aur Redmi K20 & K20 Pro ko logon ne kaafi pasand bhi kiya hai. Aaj China mein Redmi 8 series ke launch ke mauke par company ne K-series ke next phone aur Redmi K20 ke successor, Redmi K30 ka first teaser unveil kiya.

Is official teaser mein company ne confirm kar diya hai ki Redmi K30 dual punch-hole selfie cameras ke saath aayega. Saath hi ye company ka first handset hai, jismein humein punch-hole selfie camera dekhne ko milega.

ALSO READ: Xiaomi Ke Naye MIUI 11 Mein Kayi Exciting Features: Xiaomi Ke In Phones Ke Liye October Mein Hi Hoga Available

Isse pehle company President Lu Weibing ne ye bhi confirm kiya tha ki Redmi K30 mein 5G support hoga aur aaj ye bhi confirm ho chuka hai ki aapko is upcoming handset mein dual selfie cameras milne waale hain. Lekin iske alawa is handset ka abhi tak aur koi bhi feature saamne nahin aaya hai.

Well, yahaan par do bade updates to humein pata chal hi gaye hain. Jahaan Redmi K20 mein aapko pop-up camera ke saath single selfie camera mila tha, wahin K30 mein dual selfie sensors honge aur ye punch-hole cameras honge. Iske alawa Redmi K20 mein 4G connectivity thi, jabki Redmi K30 mein 5G support hoga.

Filhaal India mein Redmi K20 Diwali sale ke dauraan kaafi achhi prices par available hain aur aur iska launch price 21,999 INR hai. Expect kiya jaa raha hai ki Redmi K30 ko bhi company K30 Pro ke saath competitive prices par hi launch karegi, lekin inke aane mein abhi kuch months ka time lag sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: