Redmi K30 Pro Ke Specifications Launch Se Pehle Leaks

Xiaomi ne last year December mein hi Redmi K30 ko China mein announce kiya tha. Usi samay iska Pro variant bhi expected tha, jo ki launch nahin hua. Well kehte hain na, ‘der aaye, durust aaye’, to ab company iske Pro variant ko bhi jaldi hi announce kar sakti hai. Redmi K30 Pro ke kaafi saare rumors is samay market mein moujood hain aur kuch leaks ke saath iske specs bhi saamne aaye hain, jinki charcha hum is article mein karne waale hain.

Rumors mill ke according, Redmi K30 Pro ko China mein March 2020 mein launch kiya jayega. Is smartphone ke leaks maano rukne ka naam hi nahin le rahe hain. Haal hi mein ek new leak ne ye bhi saaf kiya hai ki ismein aapko OLED display mil sakti hai. Saath hi ye new smartphone 4700mAh ki battery aur 33W fast charging support ke saath introduce kiya jaa sakta hai.\

Kuch samay pehle Chinese social media platform ke through bhi kuch leaks aaye the, jinke according Redmi K30 Pro mein OLED panel aur in-display fingerprint scanner aane ki khabar thi. December 2019 mein announce huye Redmi K30 mein jahaan punch-hole selfie camera nazar aaye, wahin is Pro model mein aapko pop-up selfie camera milega.

Saath hi ye bhi bataaya jaa raha hai ki is handset mein Qualcomm ka latest flagship chipset Snapdragon 865 5G hoga. Other rumors ke according, camera section mein humein 64MP camera, Sony IMX686 sensor ke saath dekhne ko milega.

Well ab dekhna ye hai ki ye phones India kab aate hain aur kis competitive price par launch hote hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: