Redmi K30 Ki Launch Date Announce Hui; First Official Teaser Out

Redmi K20 ko logon ne kaafi pasand kiya tha aur ab company iske successor yaani ki Redmi K30 ke launch ki taiyaari kar rahi hai. Redmi K30 ke kayi rumors sunne ke baad, aaj finally Redmi President Lu Weibing ne iski launch date confirm kar di hai.

ALSO READ: Xiaomi India Mein Lekar Aa Raha Hai 108MP Camera Phone

Is handset ko next month, 10th of December, 2019 ko announce kiya jayega. Filhaal teaser poster jo saamne aaya hai, uske according is handset mein dual punch-hole selfie cameras moujood honge. Saath hi ismein 5G support bhi milne waala hai.

Isse pehle company ne Redmi K20 ke saath K20 Pro ko bhi launch kiya tha, lekin is baar shayad aisa nahin hai. Rumors ke according, Redmi K30 Pro ko company next year mein launch karegi.

Ab agar hum is handset ke specs ke baare mein baat karein to, Redmi K30 mein 6.6 inch ki full HD+ display, 120Hz refresh rate ke saath mil sakti hai. Ismein quad rear camera setup milne ki khabarein saamne aa rahi hain.

Iske alawa is handset mein bhi aapko upcoming Realme phone XT 730G ki tarah Snapdragon 730G chipset mil sakta hai. Saath hi ye iska strong competitor bhi ho sakta hai.

Price ko lekar rumors to nahin hain, lekin kuch samay pehle Redmi President ne kaha tha ki is handset ki kimat lagbhag 20,000 INR ke aas-paas hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: