Redmi K20 & K20 Pro, Same Names Ke Saath Next Month Honge India Mein Launch; Xiaomi Head Ne Kaha Ye

Xiaomi India head ne ye to pehle hi confirm kar diya hai ki Redmi K20 aur Redmi K20 Pro, jaldi hi India mein launch honge. Saath hi TechAuntyji naam ke ek Twitter handle ke through ye bhi khabar aayi ki, ye dono smartphones India mein Poco F2 and F2 Pro naam ke saath launch kiye jayenge.

Aaj Manu Kumar Jain ne ye confirm kar diya hai ki Redmi K20 aur Redmi K20 Pro India mein, 6 weeks mein launch honge, yaani ki in dono smartphones ko July mein India mein introduce kiya jayega. Saath hi kuch billboard ki images bhi share ki gayi hain, jinmein in smartphones ko India mein Redmi K20 aur K20 Pro ke naam ke saath hi promote kiya jaa raha hai, yaani ki ye Poco F2 aur F2 Pro nahin honge.

Redmi K20 & K20 Pro ke in billboards ko, theek OnePlus 7 Pro ke billboards ke saath lagaya gaya hai, jo ki seedhe taur par ek challenge hai. In dono smartphones ke specs ki baat karein to, inmein 6.39 inch ki full HD+ AMOLED display hai aur triple rear cameras ke saath launch kiye gaye hain.

Redmi K20 mein jahaan aapko Snapdragon 730 chipset milta hai, wahin Redmi K20 Pro ko Snapdragon 855 chipset ke saath introduce kiya gaya hai. In dono smartphones mein aapko in-dislpay fingerprint scanner, pop-up selfie camera aur 4000mAh ki battery milti hai.

Ab dekhna ye hai, ki India mein inki prices kya hongi aur OnePlus 7 series ko ye phone kahaan tak beat kar paate hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: