Redmi K20 Series Ki India Launch Date Reveal Hui; 4 Weeks To Go

Redmi K20 aur Redmi K20 Pro ko last month China mein launch kiya gaya tha aur OnePlus 7 series ke launch ke thik baad, company ne ise OnePlus 7 Pro ka rival batakar, jaldi hi India mein launch karne ki announcement bhi ki. Aaj Xiaomi India Head ne Redmi K20 series ki India launch date confirm kar di hai.

Manu Kumar Jain ne Redmi K20 series ke India launch date apne Twitter account par share ki hai aur wahaan unhone likha hai 4 weeks to go. Kal jaari kiye gaye is tweet ke according, Redmi K20 aur K20 Pro, India mein 17th July ko launch kiye jayenge.

Xiaomi India Head ne kal jo tweet kiya hai, usmein unhone date mention nahin ki hai, balki likha hai, 4 weeks to go, jiska seedha matlab hai, 17th July.

Redmi K20 aur K20 Pro ko jin prices ke saath, China mein launch kiya gaya hai, agar ye similar price ke saath launch hote hain, to India mein Snapdragon 855 ke saath aane waala ye cheapest phone ho sakta hai.

In dono smartphones mein aapko lagbhag similar specifications milte hain. Main difference yahaan par chipset ka hi hai. Redmi K20 mein aapko Snapdragon 730 processor milta hai, jabki Redmi K20 Pro mein Snapdragon 855 chipset hai.

Haal hi mein company ne highest AnTuTu score ke saath, Redmi K20 Pro ko ‘World Fastest Phone’ tag ke saath phir se tease bhi kiya hai.

Ab dekhna ye hai ki company India mein Redmi K20 series ko kis price tag ke saath launch karti hai, aap kya kehte hain?

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: