Redmi K20 Series Ke Saath, Redmi 7A Bhi Hoga Launch; Specs & Expected Price Out

Xiaomi next month India mein Redmi K20 aur K20 Pro ko announce karne waala hai. Isi ke saath khabar ye bhi hai ki company kayi latest accessories bhi launch karne waali hai, jinmein fast charger, earphones, wireless earphones aur LED lamp  shaamil hain. Iske alawa ye bhi confirm ho chuka hai ki Redmi, India mein next month apna budget smartphone Redmi 7A bhi launch karegi. Expect kiya jaa raha hai ki Redmi K20 aur K20 Pro ke saath hi ye smartphone India mein entry lega.

Redmi 7A ke India launch ki khabar khud Xiaomi India Marketing Head, Anuj Sharma dwara 91 mobiles ko confirm ki gayi hai. Is publication website ke dwara kiye gaye ek exclusive interview mein Mr. Anuj Sharma ne bataaya hai ki Redmi 7A ko Redmi K20 series ke saath ya phir uske kuch din baad hi India mein launch kiya jayega.

Redmi 7A ek budget smartphone hai, jo ki kal hi launch huye Cool 3 Plus ka tough competitor hoga aur iski kimat approx. 5,500 INR se shuru hogi.

European market mein ye smartphone launch ho chuka hai aur ismein 2GB RAM ke saath 16GB internal memory aur 3GB RAM ke saath 32GB storage variants aa sakte hain. Redmi 7A mein 5.4 inch ki HD+ display, Qualcomm Snapdragon 439 chipset aur Android 9.0 Pie OS moujood hai.

Camera section mein is handset mein 13 MP ka single rear camera, aur front par 5 MP ka selfie camera diya gaya hai. Iske alawa ismein aapko 4000mAh ki battery milti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: