Redmi K20 Pro, Snapdragon 855 Chipset & Pop-Up Camera Ke Saath Launch Hua

Redmi ke flagship smartphone, Redmi K20 Pro ko aaj company ne announce kar diya hai. Is handset mein Red, Blue and Black color options aapko milne waale hain. Is handset ke four storage options reveal kiye gaye hain.

Redmi K20 Pro mein 3D curved design diya gaya hai aur saath hi Blue and Red colors mein apko flame pattern nazar aayega, jo ki sides par hai. Jabki Black color option mein aapko kevlar gradient texture milta hai.

Is flagship smartphone mein 6.39 inch ki full HD+ AMOLED HDR display hai aur ye 19.5:9 aspect ratio ke saath aayegi. Is smartphone mein Octa Core Qualcomm Snapdragon 855 7nm chipset diya gaya hai.

Redmi K20 Pro mein 48MP primary rear camera hai, jo ki dual LED flash light, Sony IMX586 sensor aur f/1.75 aperture ke saath aata hai. Saath hi ismein 13MP ka camera, 124.8 degree ultra wide angle sensor aur f/2.4 aperture ke saath aur 8 MP ka telephoto lens, f/2.4 aperture ke saath diya gaya hai.

Redmi K20 Pro, 20 MP front-facing pop-up camera ke saath aayega. Ismein aapko in-display fingerprint sensor diya gaya hai. Battery capacity 4000mAh ki hai, jo ki 27W fast charging technology ke saath aayega.

Is dual SIM handset mein Android 9.0 Pie OS ke saath MIUI 10 diya gaya hai. Is smartphone mein 6GB LPDDR4x RAM ke saath 64GB storage, 6GB RAM ke saath 128GB storage, 8GB RAM ke saath 128GB storage aur 8GB RAM ke saath 256GB storage models launch kiye hain.

Ab aage aate hain, price ki taraf.

Xiaomi Redmi K20 Pro ki price ye hain-

  • 6GB RAM ke saath 64GB storage – 2499 yuan (approx. 25,000 INR)
  • 6GB RAM ke saath 128GB storage – 2599 yuan (approx. 26,000 INR)
  • 8GB RAM ke saath 128GB storage – 2799 yuan (approx. 28,000 INR)
  • 8GB RAM ke saath 256GB storage – 2999 yuan (approx. 30,000 INR)

China mein ye handset June 1st se available hoga. Halaanki iska India launch bhi jaldi hi announce kiya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: