Redmi K20 Pro & K20 India Mein Launch Huye: Price, Specs & Availability

Redmi K20 Pro aur K20 finally aaj India mein launch ho chuke hain aur inki pricing details bhi hamaare saamne hai. Redmi K20 Pro ek affordable flagship handset hai, jismein aapko Snapdragon 855 chipset, notchless display, in-display fingerprint scanner jaise sabhi trending features milte hain. Wahin Redmi K20 ko Snapdragon 730 ke saath launch kiya gaya hai.

Ye handsets May mein China mein announce ho chuke hain aur ab same specs ke saath India mein launch kiye gaye hain.

Redmi K20 Pro

Redmi K20 Pro mein 6.39 inch ki full HD+ AMOLED HDR display hai, Corning Gorilla Glass 5 protection bhi diya gaya hai. Is handset mein dual SIM support hai aur 128GB / 256GB UFS 2.1 storage variants mein aapko ye phone milne waala hai.

Redmi K20 Pro mein 48+8+13 MP ka triple rear camera setup hai. Wahin front par ismein 20 MP selfie camera f/2.0 aperture ke saath diya hai. 48 MP camera Sony IMX586 sensor, f/1.75 aperture, 6P lens aur dual LED flash ke saath fitted hai. Iske alawa 8 MP ka telephoto lens aur 13 MP ka ultra wide angle camera bhi shaamil hai.

Iski battery 4000mAh ki hai, jo ki aapko 27W Sonic Charge fast charging support ke saath milti hai. Is handset ko company AntuTu scores ke saath ‘World’s fastest phone’ bhi bata chuki hai.

Redmi K20

Redmi K20 mein bhi 6.39 inch ki full HD+ AMOLED HDR display hi di gayi hai. Lekin is handset ko India mein 6GB RAM ke saath 64GB UFS 2.1 storage model mein hi launch kiya gaya hai. Ismein bhi aapko 4000mAh ki battery hi milti hai, lekin yahaan 18W fast charging support hai.

Yahaan bhi 48 MP ka primary rear camera hai, lekin ye Sony IMX582 sensor, f/1.75 aperture, LED flash light ke saath aata hai. Iske alawa 8 MP ka depth sensor f/2.4 aperture ke saath diya hai aur 13 MP ka ultra wide angle camera 124.8 degree wide angle lens ayr 4K fps video recording support ke saath aata hai.

Front camera dono smartphones mein same hai aur dono hi Android 9.0 Pie OS based MIUI 10 ke saath aate hain. Iske alawa Redmi K20 Pro aur K20 dono P2i coating ke saath launch huye hain, yaani ki splashproof hain. Saath hi in dono handsets ke connectivity features mein Dual 4G VoLTE, Wi-Fi 802.11 ac, Bluetooth 5.0, GPS/ GLONASS, USB Type-C aur 3.5mm audio jack shaamil hain.

Pricing Details & Availability

  • Redmi K20 Pro 6GB+128GB model – 27,999 INR
  • Redmi K20 Pro 8GB+256GB model – 30,999 INR
  • Redmi K20 6GB+64GB version – 21,999 INR
  • Redmi K20 6GB+128GB model – 23,999 INR

Ye sabhi phones 22nd July se Flipkart, Mi.com aur Mi Home stores par available honge.

Redmi K20 Pro Review

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: