Redmi K20 Ki Battery Capacity Aur In-Display Fingerprint Scanner Company Ne Confirm Kiye

Xiaomi ka Flagship killer smartphone Redmi K20 28th May ko China mein launch hone wala hain. Launch se pehle hi humein iss phone ki kaafi leak specs dekhne ko mil chuki hain. Aaj iss phone ke kuch aur specs humare saamne aa chuke hain jismein company ne iss phone ke display aur battery ke baare mein  bataya hai.

 

Redmi K20 mein AMOLED display dekhne ko milegi jo ki 7th generation in-display finger print scanner ke saath di jaayegi. Iss finger print scanner ko last finger print scanner ke compare mein 100% behter performance deliver karne ke liye design kiya gaya hai. Iss scanner mein aapko 15% jyada finger covering area milega. Scanner mein use kiya gaya hardware DSP algorithm basis par design kiya gaya hai jo aapke phone ko 10% jyada jaldi unlock kar sakta hai. Saath hi yeh scanner dry fingers, low temperature aur bright light mein bhi 30% tak bahtar perform kar sakega.

Finger print scanner mein active color ko Green se Cyan color mein change kar diya gaya hai, saath hi night light mein yeh finger print scanner phone ki brightness ko dynamically adjust kar sakta hai. Iske alawa kal company ne bataya tha ki iss phone mein 4000mAh ki AI power saving battery dekhne ko milegi jo ki gaming ke time par kam power ko consume karegi. Iske alawa abhi tak saamne aayi reports mein iss phone ko Snapdragon 855 chipset aur 48MP rear camera ke saath dekha gaya hai. Iske alawa yeh bhi confirm ho chuka hai ki yeh phone pop-up selfie camera ke saath aane wala hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: