Redmi K20 & K20 Pro Jaldi Hi India Mein Poco F2 Aur Poco F2 Pro Naam Ke Saath Ho Sakte Hain Launch

Redmi ne isi week apne first flagship smartphones launch kiye hain. Lekin Redmi K20 aur K20 Pro ke launch ke thik baad, ye khabar aani shuru ho gayi hai ki ye smartphones India mein Poco F2 aur F2 Pro ke naam ke saath launch ho sakte hain. Halaanki ye rumors pehle bhi saamne aaye hain, lekin is baar ek tipster ke through ye report saamne aayi hai.

Twitter par Tech Auntyji naam ke account se ek post saamne aayi hai, jise aap neeche dekh sakte hain. Ismein likha hai ki Redmi K20, jo ki Snapdragon 730 chipset ke saath launch hua hai, use Poco F2 ke naam se aur Redmi K20 Pro, jo Snapdragon 855 ke saath aaya hai, use Poco F2 Pro naam se India mein jaldi hi launch kiya jaa sakta hai. Saath hi ye bhi bataaya gaya hai ki Indian market ke according, pricing details bhi competitive hongi.

Iske alawa China ki regulatory authority TENAA par Redmi K20 Pro ke ek aur variant ko bhi dekha gaya hai, jo ki 12GB RAM ke saath nazar aaya hai.

In smartphones mein 6.39 inch ki full HD+ display, Corning Gorilla Glass 5 ke saath aayegi. Redmi K20 mein aapko Snapdrgaon 730 aur K20 Pro mein Snapdragon 855 milta hai. In smartphones mein aapko 8GB RAM tak ke options aur 256GB tak ke storage options milte hain.

Dono mein hi triple rear cameras moujood hain, jinmein 48 MP ka primary camera, 13 MP ka ultra wide angle lens aur 8 MP ka telephoto lens shaamil hain.

In smartphones ka India launch June mein expected hai, lekin price ka abhi koi idea nahin hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: