Redmi K20 Is Date Ko Hoga Announce; Pop-up Camera & Snapdragon 855 Ke Saath Aayega ‘Flagship Killer’

Redmi ke first flagship smartphone Redmi K20 ki charcha aur leaks zoron par hai. Is smartphone ke official teaser bhi saamne aa chuke hain aur aaj company ne iski launch date bhi reveal kar di hai. Launch invite poster mein ise ’Flagship Killer’ kaha gaya hai aur saath hi tag line use ki gayi hai “Whatever it takes”.

Is smartphone ke pop-up camera waale teaser ko company pehle hi reveal kar chuki hai, jismein ise 3,00,000 times test kiya gaya hai, saath hi ye bhi confirm hai ki ye Snapdragon 855 chipset ke saath aayega. Iske alawa iska AnTuTu score bhi saamne aa chuka hai aur aaj company ne announce kiya hai ki, Redmi K20 ko Beijing, China mein 28th May ko launch kiya jayega.

 

Iske alawa Redmi K20 ke rumored features mein 6.39 inch ki full HD+ AMOLED display, 8GB tak ki RAM, 256GB tak ki storage, Android 9.0 Pie OS ke saath MIUI 10 aur 4000mAh ki battery, 27W fast charging support ke saath shaamil hai.

Is handset mein triple rear cameras aane waale hain, jinmein 48MP ka primary camera Sony IMX586 sensor aur f/1.7 aperture ke sath aa sakta hai, 13MP ka ultra wide angle camera hoga aur 8 MP ka telephoto lens, yahaan par depth focusing ke liye diya jayega.

Iske alawa Xiaomi India Head, ye confirm kar chuke hain ki jaldi hi ye device India mein bhi available hoga. Hopefully, June starting mein Redmi K20 ko India mein launch kiya jaa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: