Redmi K20 hi Hoga Flagship Killer, Company Ne Kiya Confirm: India Mein Poco F2 Naam Ke Saath Ho Sakta Launch

Redmi ne aaj apne upcoming flagship smartphone ka naam confirm kar diya hai. Ye wahi Snapdragon 855 chipset ke saath aane waala smartphone hai, jiske rumors hum aaye din dekhte aur sunte aa rahe hain. Kuch samay pehle phone ki protective film ke through ye naam leak hua tha aur finaaly aaj company ne bhi confirm kar diya hai, ki is handset ka naam Redmi K20 hi hoga.

Saath hi Redmi President ne bhi bataaya ki,  K series flagship smartphones ke liye hai aur ismein K ka matlab hai “KILLER” aur isiliye Redmi K20 hoga company ka naya flagship killer.

Is smartphone mein Snapdragon 855 chipset aur 3.5mm audio jack confirm ho chuke hain. Iske alawa Redmi K20  ke specs ko lekar jo rumors aaye hain, unke according ismein 6.39 inch ki full HD+ notchless display, 8GB tak ki RAM aur 256GB tak ki storage hogi. Saath hi ye triple rear camera ke saath launch kiya jayega, jismein main 48MP ka rear camera, 13 MP ka ultra wide angle lens aur 8 MP ka telephoto lens shaamil hai.

Maana jaa raha hai ki company ismein latest sixth generationin-display fingerprint scanner dene waali hai aur 4000mAh ki battery fast charging support ke saath aayegi.

Iske alawa expect kiya jaa raha hai ki Snapdragon 855 ke saath aane waale smartphone ko company Redmi K20 Pro ka naam bhi de sakti hai aur saath hi ek cheaper version bhi Snapdragon 730 chipset ke saath launch kiya jaa sakta hai, jiska naam Redmi K20 hoga. Iske alawa tipster Ishan Agarwal ne bhi apne tweet ke through inform kiya hai ki China mein company Redmi K20 aur iska Pro version yaani ki Redmi K20 Pro launch karegi. Saath hi other rumors ye kehte hain ki yahi smartphone India mein Poco F2 ke taur par launch kiya jayega.

Iske alawa India Head Manu Kumar Jain bhi India mein Snapdragon 730 ke saath aane waale ek smartphone ka hint de chuke hain aur aaj hi ye bhi confirm kiya gaya hai ki company ka India mein next aane waala smartphone triple rear cameras ke saath aayega, jismein main 48MP ka sensor hoga.

Well, company ne naam to announce kar hi diya hai, ummid hai ki jaldi hi launch date bhi announce ho jayegi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: