Redmi K20 ‘Flagship Killer’ Ka AnTuTu Score, Kar Dega Aapko Hairaan, Company President Ne Kiya Reveal

Xiaomi ki sub-brand Redmi ab tak sirf budget aur mid-range smartphones par hi focus karti aayi hai. Ye pehli baar hai, jab Redmi ki taraf se koi flagship smartphone aane waala hai. Is smartphone ke teasers saamne aa chuke hain aur Xiaomi India Head, Manu Kumar Jain ne bhi Redmi K20 ke India launch ka teaser reveal kiya hai. Lekin aaj Redmi President Lu Weibing ke is smartphone ka AnTuTu benchmarking score reveal kiya hai, jo ki behad high hai.

Snapdragon 855 chipset ke saath is smartphone ko company jaldi hi launch kar sakti hai aur aaj Lu Weibing ne iska naya teaser aur AnTuTu score saamne rakha hai. Is smartphone ka AntuTu score 4,58,754 points hain, jo ki hairaan karne waala hai.

Darasal,  Snapdrgaon 855 ke saath saamne aaye lagbhag sabhi smartphones ka AnTuTu score 4,00,000 se neeche hi raha hai. Xiaomi ke Mi 9 ka score bhi 3,70,000 points ke around tha, lekin Redmi K20 ke Snapdragon 855 ke saath AnTuTu benchmarking site par sabko peeche chod diya hai. Iske scores ki image aap neeche dekh sakte hain.

Specs ki baat karein to, Redmi K20 ke baare mein, abhi jyada features saamne nahin aaye hain. Lekin itna confirm hai ki ismein triple rear cameras honge, jinmein 48MP primary, 13MP wide angle lens aur 8MP ka telephoto lens shaamil ho sakte hain. Iske alawa ye handset full HD+ display, in-display fingerprint sensor, pop-up selfie camera, 8/10GB tak ki RAM aur 256GB tak ki storage ke saath aa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: