Redmi K20 Aur K20 Pro Ki Complete Specs Sheet Leak Hui

Xiaomi ke sub-brand, Redmi jaldi hi apne flagship smartphone Redmi K20 aur K20 Pro ko launch karne waala hai. In smartphones ke kuch specs, company ne already confirm kar diye hain aur design ko lekar bhi kuch information saamne aa chuki hai. Lekin ab, launch se kuch hi din pehle, in dono smartphones ke complete and detailed specifications sheet leak ho chuki hai, jise aap neeche dekh sakte hain.

Redmi K20 ke saath Redmi K20 Pro ke launch ki khabar hai aur saamne aayi leaks ke according, Redmi K20 Pro mein Octa Core Qualcomm Snapdragon 855 chipset hoga, jabki Redmi K20 ko company Snapdragon 710 chipset ke saath launch kar sakti hai.

Is baar ye specs sheet Facebook par ek Redmi Italia page ke through post ki gayi hai. Ismein Redmi K20 Pro ko Snapdragon 855 chipset ke saath dekha jaa sakta hai. Iske alawa Redmi K20 aur K20 Pro, dono mein 6.39 inch ki Super AMOLED full HD+ display hogi, jo ki Corning Gorilla Glass 6 protection ke saath aayegi.

Saath hi Redmi K20 aur K20 Pro mein aapko four storage options dekhne ko mil sakte hain, jinmein 6GB+64GB, 6GB+128GB, 8GB+128GB aur 8GB+256GB ke options shaamil hain. Inmein triple rear cameras honge. 48 MP ka primary camera aapko f/1.8 aperture aur dual LED flash light ke saath milne waala hai, 13MP ka ultra wide angle lens hoga aur 8 MP ka tepehoto lens aapko f/2.4 aperture ke saath diya jayega.

Is leak ke according, Redmi K20 aur K20 Pro mein 6th generation optical in-display fingerprint scanner ho sakta hai aur inmein 20 MP ka pop-selfie camera apko mil sakta hai. Ye handset 4000mAh ki battery capacity ke saath release kiya jayenge aur yahaan Qualcomm ki Quick Charge 4.0 fast charging technology aapko milegi.

Ye smartphones China mein 28th May ko launch kiye jaane hain aur maana jaa raha hai ki early June mein inka India launch ho sakta hai, halaanki company ne sirf coming soon hi kaha hai, lekin date confirm abhi nahin ki gayi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: