Redmi India Ne Tease Kiya New Product, Kya Launch Hoga Ye Phone

Redmi India pichle ek week se apne new product ko tease kar rahi hai. Ab ye product hai kya is baat ki khabar kisi ko nahin hai, lekin aaj company ne ek video teaser jaari kiya hai, jismein product ke specs ko nahin, lekin thoda sa iske design ko tease kiya gaya hai. Company is upcoming product ko “#Power has a new look!” tag line ke saath bhi tease ka rahi hai.

Redmi India ne ek week pehle tweet kiya hai ki #Redmi2020 promises to bring you more. More things to love, more things to enjoy and more things that’ll make you proud to be a #Redmi user!”. Iske baad Xiaomi India Head, Manu Kumar Jain ne bhi tweet kiya hai ki, #Redmi has always been synonymous with POWER! Power-packed phones, Powerful processors, Powerful user experience”. Saath hi unhone guess karne bhi kaha hai.

Well, in comments se kaafi saare products ki tarah dhyaan jaata hai. Sabse pehle to Redmi 9 ke rumors zoron par hain, jo ki MediaTek Helio G70 ke saath aa sakta hai. Iske alawa company apne Redmi Band fitness tracker par bhi kaam kar rahi hai aur rumors suggest karte hain ki wo bhi India mein jaldi launch kiya jaa sakta hai.

Kuch fans ne new smartphone ka guess karte huye reply bhi diya hai, lekin Redmi India ne retweet karte huye, ise galat guess bataaya hai. Iske alawa Redmi Book ko bhi India mein announce kiye jaane ki charcha hai.

Well company apne is product ke launch se pehle Twitter par lagaatar teasers post kar rahi hai aur ummid hai ki aane waale kuch dinon mein product ki details bhi saamne aaye. Possibly company Redmi 9 series ko India mein announce kar sakti hai ya phir ye Redmi ka naya power bank bhi ho sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: