Redmi Go, Thailand Mein NBTC Dwara Hua Certified, February Mein Ho Sakta Hai Launch

Redmi Note 7 Ke Baad, company Redmi Note 7 Pro aur Redmi Go par tezi se kaam kar rahi hai. Saath hi aaj is smartphone ko Thailand ki certification site NBTC par spot kiya gaya hai, jahaan se aaj ise approval mila hai. Is site par is is smartphone ke naam aur model number M1903C3GG ke alawa aur kuch reveal nahin kiya gaya hai.

Iske alawa Redmi ke is first Android Go smartphone ko Malaysia ki EEC, IMDA, SIRIM certification companies se bhi manzoori mil chuki hai.

Expect ye kiya jaa raha hai ki is Android Go smartphone ko company, Redmi Note 7 Pro ke saath hi launch kar sakti hai. Lekin agar aisa nahin bhi hota hai, to ye dono hi smartphones February mein launch ho hi jayenge. Isi ke saath maana jaa raha hai ki Redmi Note 7, Note 7 Pro aur Redmi Go India mein March mein launch ho sakte hain.

ALSO READ: Jaldi Hi India Mein Launch Honge Redmi Note 7, Redmi Note 7 Pro And Redmi Go

Specs ki baat karein to, Redmi Go mein 5.99 inch ki HD+ display, quad core chipset, 1GB ki RAM, 8GB ki ROM aur 2800mAh ki battery ho sakti hai. Saath hi ismein 8 MP ka rear camera LED flash ke saath aa sakta hai, jabki front par 5 MP ka selfie camera f/2.0 aperture ke saath fitted hoga.

Is smartphone ke price ko lekar jo rumors aa rahe hain, uske according ise approximately 4,999 INR tak ke price par launch kiya jaa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: