Redmi Go India Mein Launch Hua; 5,000 INR Se Bhi Kam Ki Kimat Par March 22 Se Available

Xiaomi ka first Android Go edition smartphone, Redmi Go aaj India mein launch kiya gaya hai. Halaanki ye pehle China mein bhi announce ho chuka hai. Is smartphone ke India mein two color options available honge, jinmein Black and Blue shaamil hain.

Redmi Go mein 16:9 aspect ratio ke saath 5 inch ki HD display di gayi hai. Company ne ise 1.4 GHz quad core Qualcomm Snapdragon 425 chipset ke saath launch kiya hai, jismein Adreno 308 GPu bhi diya gaya hai. Wahin storage option mein ye handset 1GB ki RAM aur 8GB ki internal memory ke saath aayega.

Saath hi Redmi Go mein triple card slots hain, iska dedicated microSD card slot 128GB tak ke memory cards accept karta hai. Camera section mein yahaan 8 MP ka single rear camera hai, jo ki LED flash light, f/2.0 aperture aur full HD+ video recording support ke saath aayega. Wahin 5 MP ka front camera bhi f/2.2 aperture aur auto HDR options ke saath diya gaya hai.

Is handset mein Android 8.1 Oreo OS (Go Edition) diya gaya hai aur 3000mAh ki battery bhi hai, jo ki without fast charging hogi. Other options mein 4G VoLTE, WiFi 802.11 b/g/n, Bluetooth 4.1, GPS aur 3.5mm headphone jack shaamil hain.

India mein is smartphone ka price 4,499 INR hai aur ye Flipkart, Mi.com aur Mi Home stores par 22nd March se available hoga. Saath hi Jio users ke liye Redmi Go ki khadi par 2,200 INR ke vouchers aur 100GB 4G data ka offer bhi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: