Redmi Flagship Ki Leak Video Aayi Saamne, Punch Hole Display Aur Triple Rear Camera Mil Sakta Hai Iss Phone Mein

February se rumors mein bana hua Xiaomi ka upcoming smartphone Redmi Flagship ki ek leak video aaj saamne aayi hai. Yeh video Slashleaks.com ke through sabse pehle post ki gayi thi. Ise aap neeche dekh sakte hain. Phone ki highlight mein iska punch hole camera hai jo ki screen ke center mein dikhai de raha hai. Iske alawa iss hands on video mein phone mein ka rear aur front panel dono hi clear dikhaya gaya hai. Phone dekhne mein bhi kaafi simple aur premium look de raha hai.

Redmi Flagship maane jaa rahe iss phone ke rear panel par triple rear cameras dekhne ko mil rahe hain saath hi vertically set iss camera ke just neeche LED flash bhi dikhai de raha hai. Phone ke rear panel par hi center mein finger print scanner bhi clearly dekha jaa sakta hai. Iske alawa phone ke top aur bottom area mein left aur right area ke compare mein jyada thick bezels dikhai de rahe hain. Phone ke rear panel ko dekhne par yeh clear nahi ho raha hai ki yeh phone glass body mein diya gaya hai ya fir ismein plastic body ka use kiya gaya hai.

Iss video ke alawa abhi tak saamne aayi rumors mein bataya gaya hai ki yeh phone Qualcomm Snapdragon 855 chipset ke saath market mein aa sakta hai. Iss se pehle Honor View 20 aur Samsung Galaxy 10 mein humein punch hole display dekhne ko mili hai. Yeh dono hi phones flagship category mein aate hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: