Redmi 8A TENAA Par Certified Hua; Images & Specs Leak

Redmi Note 8 series ke baad, company Redmi 8 aur Redmi 8A ko bhi ab jaldi hi launch kar sakti hai. Pehle ye dono smartphones model number ke saath Thailand ke NBTC certification website par nazar aaye aur ab Redmi 8A ko TENAA par spot kiya gaya hai. Aaiye jaante hain is smartphone ke specs, jo TENAA listing ke dauraan saamne aaye hain.

M1908C3KE model number ke saath aane waale Redmi 8A mein 6.2 inch ki HD+ display hogi aur ye 2.0 GHz octa core processor par chalega. Is entry-level smartphone mein aapko 5000mAh ki huge battery milegi, jo ki kaafi achha feature hai.

Iske alawa Redmi 8A ko three storage options mein expect kiya jaa raha hai jo ki 2GB RAM ke saath 16GB internal storage, 3GB RAM ke saath 32GB ROM, aur 4GB RAM ke saath 64GB storage options honge.

Well, ek feature yahaan par aapko iski kami lag sakta hai, wo ye ki Redmi 8A 12MP ke single rear camera ke saath aayega, jabki mostly budget phones mein atleast dual rear cameras hote hain.

Iske alawa ismein dual SIM slots hain, microSD card slot hai aur 8MP ka front camera bhi yahaan par aapko milta hai. Saath hi Android 9.0 Pie OS ke saath MIUI 10 software yahaan hoga.

Is handset ka launch isi month ke end tak expect kiya jaa raha hai, lekin pricing details ko lekar abhi koi idea nahin hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: