Redmi 8 Ki India Launch Date Reveal Huyi, Aura Mirror Design Ke Saath Launch Hoga Yeh Phone

Redmi 8 ke launch ke liye countdown already start ho chuka hai. Kaafi time se leaks ki beeche bana raha yeh phone finally ab 9th October ko India mein launch hone jaa raha hai. Launch ki jaankari Xiaomi India ki official website par share ki gayi hai. Last week launch huye Redmi 8A ke saath iss phone ka launch bhi expect kiya jaa raha tha, lekin Xiaomi India ke head Manu Kumar Jain ne tweet ke jariye bataya tha ki iss phone ko next month launch ke liye rakha gaya hai.

Redmi 8 ko kuch samay pehle hi TENNA certification website par M1908C3IC model number ke saath spot kiya gaya tha. Saath hi TENNA listing mein phone se related kuch specs bhi reveal huye the. Ismein bataya gaya tha ki yeh phone 6.26-inch ki HD+ Dot Notch display ke saath launch kiya jaa sakta hai, saath hi phone ki display mein corning gorilla glass 5 ka protection diya jaayega . Iske alawa leak images mein phone ka rear aur front look dekhne ko mila tha. Phone ke rear panel par dual camera setup ke saath finger print scanner bhi dikhai de raha hai.

Iske alawa Thainland ki NBTC website par bhi yeh phone spot hua tha. Rumors ki maane to iss phone mein 2GHz Octa Core processor ka use, company kar sakti hai. Phone ke rear panel par milne wala dual camera setup 12MP+ 5MP ka ho sakta hai. Saath hi front facing camera 8MP ka offer kiya jaa sakta hai. Itna hi nahi, yeh phone 5000mAh ki massive battery capacity ke saath aa sakta hai, jismein humein 18W ki fast charging dekhne ko mil sakti hai. 

Xiaomi India ke official website par phone ko #BatteryCameraAction ke saath mention kiya gaya hai. Iske  alawa yeh bhi bataya hai ki phone ke rear camera mein Sony sensor ka use kiya jaayega. Camera mein edge detection, precise skin tone mapping jaise feature bhi diye jaayenge. Phone ki screen aapko effortlessly multitasking ke liye allow karegi. Saath hi phone ka look Aura Mirror design kiya gaya hai, jo ki reflect karta hai. Itna hi nahi, yeh phone splash resistance capability ke saath aayega.

Well, inn sabhi specs ke saath phone ki price bhi behtar ho, yeh bhi jaruri hai. Baat karein inn phone ke predecessor Redmi 7 ki price ki to company ne iss ko Rs 7,999 ki price tag ke saath launch kiya tha. Expect kiya jaa raha hai ki, yeh phone bhi isi price ke approx introduce kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: