Redmi 7A Jaldi Hi Ho Sakta Hai Launch, TENAA Par Saamne Aayi Images Aur Specs

Last year Xiaomi ne Redmi 6A smartphone ko launch kiya tha. Issi phone ke successor Redmi 7A  smartphone ki leaks images saamne aayi hai. Iss phone ko Chinese certification website TENAA par dekha gaya hai. TENAA par dikhai de rahi image mein phone ka rear aur front panel dono hi dikhai de raha hai.  Iske alawa site par iss phone ka model number bhi saamne aaya hai jo ki M1903C3EC hai. Images ke saath hi phone ki kuch details bhi nikal kar aayi hai jismein display aur storage ke baare mein bataya gaya hai.

 

 

TENAA par show ho rahi details mein yeh phone 5.45 inch ki HD+ display ke saath dekha gaya hai saath hi yeh phone 1.4 GHz ke Octa Core processor ke saath launch kiya jaa sakta hai. Saath hi company iss phone ko 3 different storage mein launch kar sakti hai jismein 2GB/16GB, 3GB/32GB aur 4GB/64GB storage shaamil hain. Redmi 7A mein company 13MP ka single rear camera aur 5MP ka front facing camera de sakti hai. Saath hi details mein yeh bhi saamne aaya hai ki yeh phone 3900mAh ki battery ke saath market mein aa sakta hai. Phone ke operating system ki baat karein to iss phone mein MIUI 10 based Android Pie mil sakta hai.

 

Iss phone mein users ko kaafi color option dekhne ko mil sakte hain. TENAA listing par iss phone ke total 8 color variants saamne aaye hain jismein Red, Black, Blue, Pink, White, Green, Grey aur Purple colors include hain. Leaks images mein phone ka look kaafi had tak Redmi 6A se match karta hua nazar aa raha hai. Phone ke rear panel par finger print scanner nazar nahi aa raha hai jis se yeh expect kiya jaa sakta hai ki iss phone mein humein finger print scanner dekhne ko naa mile. Phone mein branding ko le kar thode se changes dekhne ko mil sakte hain. Jahaan pehle humein Xiaomi ki branding dekhne ko milti thi wahin iss phone par humein Redmi ki branding dikhai de rahi hai. Saath hi phone ka material poly carbonate made diya jaa sakta hai.

 

Well, TENAA par listing ke baad expect kiya jaa sakta hai ki company iss phone ko jaldi hi China mein launch kar sakti hai. China launch ke baad iss phone ke India launch ko bhi jaldi hi expect kiya jaa sakta hai. Haalnki abhi company ka concentrate Redmi K20 ki launch par hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: