Redmi 7A, 13MP Rear Camera Aur Snapdragon 439 Chipset Ke Saath Announce Hua

Xiaomi ke sub-brand Redmi ne aaj Redmi 7A smartphone ko launch kar diya hai. Kuch samay pehle iss phone ki leaks TENAA par dekhi gayi thi. Yeh phone last year launch kiye gaye Redmi 6A ka successor hai aur ye poly-carbonate body di gayi hai.  Yeh phone SOS emergency help wale Family Guardian App ke saath aata hai, jiski help se parents apne bachho ke kuch particular websites ke use par dhayan de sakte hain. Iss phone ki price ko company ne abhi announce nahi kiya hai. 28th May ko launch hone wale Redmi K20 smartphone ke saath company iss phone ki price ko announce karegi.

Redmi 7A 5.45 inch ki HD+ display ke saath aata hai jiska screen aspect ratio 18:9 diya gaya hai. Phone ki display mein 2.5D curved glass ko use kiya gaya hai. Redmi 7A mein Octa Core Snapdragon 439 chipset aapko milta hai  jo ki Adreno 505 GPU ke saath aata hai. Iss phone mein MIUI 10 based Android 9 pie operating system aapko milta hai. Phone mein aapko hybrid sim slot diya gaya hai. Iss phone mein aapko P2i nano coating body milti hai jo ki splash resistant hain. Phone mein 4000mAh capacity ki battery aapko di gayi hai.

Redmi 7A ke front panel par aapko 5MP ka front facing camera aur rear panel par 13MP ka camera LED flash ke saath milta hai. Iss phone ko 2GB/16GB aur 3GB/32GB storage mein launch kiya gaya hai. Phone ki storage microSD card ki help se 256GB tak expand ki jaa sakti hai. Iske alawa iss phone mein aapko dual 4G VoLTE, Wi-Fi 802.11 b/g/n, Bluetooth 5.0, GPS jaise connectivity option mil jaate hain. Iss phone ko company ne Black aur Blue do color option mein announce kiya hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: