Redmi 7 Specifications Leaked; Certified On TENAA

Redmi Note 7 aur Redmi Note 7 Pro ko launch karne ke baad, company naye budget smartphone par kaam kar rahi hai, jiska naam hai Redmi 7. Haal hi mein Redmi 7 ko Chinese certification site TENAA par dekha gaya jahaan se iske almost sabhi specs saamne aaye hain.

Redmi 7 ko company 6.26 inch ki HD+ 19:9 display ke saath launch karne waali hai aur ye 1.8 GHz Octa Core processor ke saath aayega. Lekin ismein chipset kaunsa hoga, ye abhi confirm nahin hai, wahi rumors ke according ise Snapdragon 632 chipset ke saath market mein launch kiya jaa sakta hai.

Is smartphone ke three storage options launch hone ki ummid hai – 2GB RAM ke saath 16GB ROM, 3GB RAM ke saath 32GB inbuilt memory aur 4GB RAM ke saath 64GB storage. Expect kiya jaa raha hai ki ismein aapko dedicated microSD card slot milega jo 256GB tak ke cards accept kar sakta hai.

Redmi 7 mein 12+5 MP ke dual rear cameras, LED flash light ke saath aa sakte hain. Wahin front par 8 MP ka selfie camera milega. Is smartphone ko bhi Redmi Note 7 aur Note 7 Pro ki tarah Android 9.0 Pie OS ke saath launch kiya jayega, jis par MIUI10 interface moujood hoga.

Ismein 4000mAh ki battery aapko mil sakti hai, lekin yahaan par fast charging support nahin hoga. Rear mounted fingerprint scanner aapko yahaan mil sakta hai. Connectivity options ki baat karein to ismein dual 4G VoLTE, Wi-Fi 802.11 b/g/n, Bluetooth 4.2, GPS, GLONASS, dual SIM support and 3.5mm audio jack.

Redmi 7 ka launch isi month expect kiya jaa raha hai, lekin iske price ko lekar abhi koi information nahin hai.

Facebook Comments

Recommended For You

About the Author: Pooja Choudhary

1 Comment

Leave a Reply

Your email address will not be published.

%d bloggers like this: