Redmi 7 ka First Look Leak Hua, Poster Par Nazar Aaye Sabhi Color Options

Abhi tak khabar ye thi ki, independent brand bannne ke baad Redmi ka first smartphone Redmi Pro 2 ho sakta hai. Lekin aaj ye khabar galat prove hui hai. Aaj leak huye poster mein aur kuch hi samay pehle certification site par nazar aane ke baad, ye lag raha hai ki company Redmi 7 series launch karne ki taiyaari mein hai.

10th of January, 2019 ko hone waale Redmi event mein Redmi 7 launch kiya jayega, jiska first look aaj ek poster ke through leak hua hai. Is poster ko aap neeche dekh sakte hain, jismein aapko Redmi 7 ke sabhi color options bhi nazar aa jayenge.

Is poster ke saath aur isse pehle aaye teaser posters ke dwara ye to confirm hai ki Redmi 7 mein aapko 48 MP ka primary rear camera milne wala hai. Iske alawa upar diye gaye poster se jo cheezein confirm ho rahi hain, wo hain dual rear cameras, LED flash light, waterdrop notch design aur gradient color options.

ALSO READ: Xiaomi ke First Foldable Smartphone Ka Video Leak Hua

Iske alawa Redmi 7 mein humein Octa Core Qualcomm Snapdragon 710 chipset dekhne ko mil sakta hai. Maana jaa raha hai ki is smartphone ke bhi two storage options zaroor launch kiya jayenge. Ismein aapko Android 9.0 Pie OS par MIUI 10 user interface milne wala hai.

Ye smartphone 10th January ko Beijeing mein hone wale launch event mein saamne aayega, jo local time ke according dopahar 2 baje se shuru hoga.

ALSO READ: Redmi Ab Hoga Separate Brand, Xiaomi CEO Ne Kiya Confirm

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: