Xiaomi’s Redmi 6 Series Coming To India In September First Week

Flagship smartphone Poco F1 ke baad, Xiaomi phir se India mein new smartphones launch karne jaa raha hai. Xiaomi India ke MD, Manu Kumar Jain ne Twitter par ek invite post kiya hai, jismein three smartphones ko number 6 ke saath tease kiya gaya hai. Ye three smartphones honge – Redmi 6, Redmi 6 Pro aur Redmi 6A.

Ye sabhi smartphones China mein June 2018 mein launch kiye jaa chuke hain aur India mein inki entry September first week mein hogi. Xiaomi ne is launch event ke invites already send kar diye hain, jise company 5th Of September mein host karegi.

Redmi 6 Pro

Redmi 6Pro ko China mein three versions mein launch kiya gaya tha jinmein 3GB+32GB, 4GB+32GB aur 4GB+64GB variants shaamil hain. Inki kimat 10,000 INR se 15,000 INR ke beech hai. Lekin India mein iske kaun se variants aate hain, ye abhi confirm nahin hai. Ismein 5.84 inch ki full HD+ display, notch design, Octa Core Qualcomm Snapdragon 625 chipset, aur Adreno 506 GPU hai. Saath hi 12+5 MP dual rear cameras, 5 MP front camera aur 4000mAh ki battery bhi di gayi hai.

Redmi 6

Redmi 6 mein aapko 5.45 inch ki HD+ display milti hai aur ye Octa Core MediaTek Helio P22 processor par chalta hai. Ismein bhi 3GB+32GB aur 4GB+64GB storage options hain, 12+5 MP dual rear cameras aur 5 MP frontal shooter bhi moujood hai. Iski battery 3000mAh ki hai aur fingerprint sensor bhi hai. China mein iske dono versions ki kimat lagbhag 8,500 INR aur 10,500 INR hai.

Redmi 6A

Redmi 6A, Redmi 6 ka cheaper version hai, jismein dual nahin balki 13 MP ka single rear camera hai, fingerprint scanner nahin hai aur quad core MediaTek Helio A22 chipset diya gaya hai. Other specs Redmi 6 jaise hi hain. Iski kimat lagbhag 6,000 INR hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: