Xiaomi Redmi 6 Pro, Redmi 6, Redmi 6A India Mein Launch Huye; Specs, Price And Avilability Details

Xiaomi ne finally India mein Redmi 6 series launch kar di hai. Is series mein, Redmi 6 Pro, Redmi 6 aur Redmi 6A shaamil hain. Xiaomi Redmi 6 Pro aur 6A, Amazon exclusive smartphones hain. Redmi 6 Pro ki sale 11th September aur Redmi 6A ki sale 19th September se start hogi. Wahin Redmi 6 kewal Flipkart par available hoga aur ise aap 10th September se purchase kar sakte hain.

Redmi 6 Pro

Xiaomi ka Redmi 6 Pro, 5.84-inch ki full HD+ display ke saath aayega aur Octa Core Qualcomm Snapdragon 625 processor par chalega. Ye dual SIM smartphone 12 + 5 MP dual rear cameras aur 5 MP front camera ke saath milne waala hai. Camera features mein LED flash light, PDAF, Sony IMX486 sensor (main), Samsung S5K5E8 sensor (secondary), f/2.2 aperture aur portrait mode moujood hain. Is handset mein dual SIM support aur 4000mAh battery hain.

Redmi 6 Pro ko Red, Blue, Gold and Black colors mein kharida jaa sakta hai. Iske 3GB+32GB variant ka price 10,999 INR hai aur 4GB+64GB version ka cost 12,999 INR hai.

Redmi 6

Redmi 6 mein 5.45 inch ki HD+ display, MediaTek Helio p22 chipset aur IMG PowerVR GE8320 GPU moujood hai.  Ismein bhi 12 MP ka main rear camera aur 5 MP secondary rear shooter moujood hai. Saath hi 5 MP front facing camera hai aur 3000mAh ki battery di gayi hai.

Redmi 6 bhi Grey, Blue, Gold aur Rose Gold colors mein launch kiya gaya hai. Iske 3GB+32GB aur 3GB+64GB variants ki kimat 7,999 INR aur 9,499 INR hai. Company ke according ye introductory price hai jise baad mein increase kiya jaa sakta hai.

Redmi 6A

Redmi 6A mein bhi 5.45-inch ki HD+ display hi hai, halaanki ismein aapko Quad Core MediaTek Helio A22 processor milta hai. Ismein 13 MP ka rear camera, LED flash light, PDAF aur f/2.2 aperture ke saath diya gaya hai, wahin 5 MP ka frontal shooter f/2.2 aperture ke saath moujood hai.

Iska 2GB+16GB storage option aap kewal 5,999 INR mein kharid sakte hain. Jabki 2GB+32GB version ki kimat 6,999 INR hai. Is smartphone ka price bhi company two months ke baad increase kar sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: