Rear Quad Camera Setup Ke Saath Launch Hua Huawei Nova 5i Pro

Huawei ne apne ek aur mid-range smartphone Huawei Nova 5i Pro ko launch kar diya hai. Yeh phone June mein launch kiye gaye Huawei Nova 5i ka successor hai. Nova 5i ki tarah, Nova 5i Pro mein bhi aapko quad camera setup milta hai, jiska camera module Nova 5i se different design kiya gaya hai. Iss phone mein aapko punch hole selfie camera diya gaya hai.

Huawei Nova 5i Pro, 6.26-inch ki Full HD+ IPS display ke saath aata hai, phone ki screen DCI-P3 wide color gamut ke saath aati hai. Phone mein Huawei ka latest chipet, Hisillicon Octa-Core Kirin 810 7nm ko use kiya gaya hai, jo ki ARM Mali-G52 MP6 GPU ke saath aata hai. Iss phone mein EMUI 9.1.1 based Android 9 Pie operating system aapko milta hai. Phone ke rear panel par aapko finger print scanner ka option bhi mil jaata hai.

Phone mein diye optics ki baat karein to, Primary camera 48MP  (f/1.8 aperture) ka Sony IMX586 sensor ke saath aata hai, secondary camera 8MP ka ultra wide angle lens ke saath aata hai, third camera 2MP (f/1.75 aperture) macro lens ke saath aur fourth camera 2MP ka diya gaya hai jo ki depth sensor ke saath aata hai. Front facing camera 32MP ( f/2.0 aperture) ka milta hai.

 

Image Credit : Weibo

 

Phone mein 3900mAh ki battery di gayi hai jo ki 20W fast charging ko support karti hai. Iss phone mein aapko dual hybrid sim ka support milta hai. Iske alawa yeh phone dual 4G VoLTE, dual band Wi-Fi, Bluetooth 5 LE, GPS jaise connectivity options ko bhi support karta hai. Huawei Nova 5i Pro mein aapko Aurora Blue, Emerald Green aur Phantom Black color option mil jaate hain. Iss phone ko company ne teen different variants mein announce kiya hai. Phone ke sabhi variants ki price ko aap neeche dekh sakte hain. Phones ki availability ko le kar abhi koi jaankari nahi di gayi hai.

  • Huawei Nova 5i Pro (6GB/128GB)    –    CNY 2199 (~Rs 22,065)
  • Huawei Nova 5i Pro (8GB/128GB)    –   CNY 2499 (~Rs 25,070)
  • Huawei Nova 5i Pro (8GB/256GB)    –   CNY 2799 (~Rs 28,080)

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: