Realme X9 Pro Ke Specs aur Price details leak huye

Realme X9 Pro company ka upcoming flagship smartphone hai, jo Realme X9 ke saath jaldi hi release kiya jaa sakta hai. Is smartphone ko TENAA certification site par bhi dekha gaya hai. Inmein Realme X9 Snapdragon 778 chipset aur X9 Pro Snapdragon 870 chipset ke saath expect kiye jaa rahe hain. Company ki taraf phones ke specs ki koi charcha nahin hai, lekin aaj Realme X9 Pro ke specs aur price details ki leaks saamne aayi hain, jo is smartphone ke baare mein kaafi kuch reveal karti hain.

Realme X9 series, Realme X7 series ki successor hai aur inmein se ek phone ko model number RMX3366 ke saath TENAA website par dekha gaya. Maana jaa raha hai ki TENAA par dikhne waala phone Realme X9 Pro hai.

Aaj Chinese social media platform Weibo par leakster Arsenal ne ek post kiya hai, jismein bataaya gaya hai ki ye phone Octa Core Snapdragon 870 chipset ke saath release kiya jayega. Ismein 6.5 inch E3 Super AMOLED display, Corning Gorilla Glass 5 protection ke saath aa sakti hai. Inki post ke according phone ko 8GB / 12GB RAM options aur 128GB / 256GB storage options ke saath launch kiya jaa sakta hai. Iske alawa is phone mein Android 11 based Realme UI 2.0 software aayega.

Realme X9 Pro

Camera section ki details jo is post se saamne aayin hain ke according Realme X9 Pro mein 50 MP ka primary camera, 16MP ka ultra wide angle sensor aur 2MP ka portrait lens aayega. Wahin selfi ke liye ismein 32MP punch-hole camera mil sakta hai. Phone mein 4500mAh ki battery 65W VOOC 2.0 fast charging support ke saath aa sakti hai.

Leakster Arsenal ke post ke according, Realme X9 Pro 8GB +128GB storage variant ka price 2699 yuan (approx. 31,000 INR) ho sakta hai aur 12GB + 256GB variant ko 2999 yuan (approx. 34,000 INR) ke price tag ke saath company launch kar sakti hai.

Company ne filhaal Realme X9 series ki koi launch date nahin bataayi hai. Lekin rumors aur certification sites par in phones ki moujoodgi dekhkar lagta hai ki ye jaldi hi launch kiye jayegenge.

Inke alawa company 15 June ko Realme GT 5G ko bhi globally launch karne jaa rahi hai. Saath hi Realme Book aur Realme Pad bhi is event mein launch kiye jaa sakte hain.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: