Realme X7 Max aur Realme Smart TV 4K 43″ aur 50″ India mein launch huye

Realme ne aaj India mein apna latest flagship smartphone Realme X7 Max launch kar diya hai. Saath hi Realme ki nayi smart TV 4K range bhi introduce ki gayi hai, jismein 43 inch aur 50 inch ke televisions aaye hain.

Realme X7 Max ki price details aap neeche dekh sakte hain aur India mein ise Flipkart aur realme.com se 4th June se kharid sakte hain. Is smartphone ko Asteroid Black, Mercury Silver aur Milky Way color options mein release kiya gaya hai, lekin ismein Milky Way color options filhaal available nahin ho payega.

  • 8GB + 128GB version – 26,999 INR
  • 12GB + 256GB variant- 29,999 INR.

Specifications

ModelRealme X7 Max 5G
Display6.43 inch full HD+ AMOLED display
HDR10+ support
120Hz refresh rate
ProcessorOcta Core MediaTek Dimensity 1200 6nm chipset
RAM8GB / 12GB LPDDR4X RAM
Internal Storage128GB / 256GB UFS 3.1 storage
Battery4500mAh battery + 50W fast charging support
only 16 minutes mein 0 – 50% tak charge
SoftwareAndroid 11 + realme UI 2.0
Rear Cameras64 megapixel (LED flash light, f/1.8 aperture, Sony IMX682 sensor) + 8 megapixel (119° ultra wide angle lens, f/2.3 aperture) + 2 megapixel (macro lens, f/2.4 aperture)
Front camera16 megapixel (f/2.5 aperture)
SIM slotsdual SIM slots
Fingerprint sensorIn-display fingerprint sensor
certificationIPX4 certification (Splash resistant)

Company ne is smartphone launch ke saath real Upgrade Program ke liye Flipkart ke saath partnership bhi ki hai aur iske zariye aap is smartphone ki 70% amount yaani ki 18,999 INR pay karke ise kharid sakte hain aur 1 saal baad jab koi naya X-series smartphone aaye tab uski 70% amount dekar apna smartphone upgrade bhi kar sakte hain.

Realme Smart TV 4K range

Realme Smart TV 4K 43 inch aur 50 inch models aaj aaye hain jo 83% NTSC tak ke color gamut ke saath up to 1.07 Billion colors support karte hain. Inmein aapko Dolby Vision support bhi milega.

Ye televisions realme ke Chroma Boost Picture Engine technology ke saath aayenge jo aapko aur bhi enhanced picture quality degi. Saath hi aapki eyes protection ke liye screen mein low blue light ke liye ye TÜV Rheinland certified bhi hai.

Realme Smart TV 4K range mein quad core MediaTek chipset ke saath 2GB RAM aur 16GB ki internal storage hai. Ye built-in Chrome cast, pre-installed Netflix, YoutTube, Prime Videos support ke saath milengi. Ye range bezel-less design ke saath aayega. Saath hi ismein 24W stereo speakers fit kiye gaye hain jinmein Dolby Atmos support bhi hai. Google Assistant ka support bhi ismein aapko milta hai.

Other connectivity options mein Wi-Fi 802.11 b/g/n, Bluetooth 5.0, 3 HDMI, 2 USB ports, DVB-T2, Ethernet options shaamil hain. Ismein 43 inch model ko aap kewal 27,999 INR mein aur 50 inch variant ko 39,999 INR mein 4 June se Flipkart par kharid sakte hain.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: