Realme X7 Max 5G aur Realme Smart TV 4K range May 31 ko India mein honge launch

Realme X7 Max 5G aur Realme smart TV 4K range jaldi hi India mein launch hone jaa rahi hai. Is smartphone ka launch pehle India mein Covid-19 ke badhte cases ki wajah se postpone kar diya gaya tha. Lekin aaj company ne iske launch ki ek nayi date ko announce kiya hai. India mein ye naya flagship phone 31 May ko launch kiya jayega.

Realme India ke CEO Madhav Sheth ne Twitter par announce kiya hai ki Realme X7 Max 5G ko India mein 31st May ko 12.30pm par online event ke through announce kiya jayega. Saath hi Realme smart TV 4K range bhi launch ki jayegi.Realme ki taraf se ye third television range hai jo India mein launch hone waali hai.

Realme X7 Max 5G

Specs ki baat karein to Realme X7 Max 5G mein MediaTek Dimensity 1200 5G chipset hoga aur ye is chipset ke saath aane waala India ka first phone hai. Saath hi company ne is phone ki jo info share ki hai uske according ye dual 5G SIM cards support ke saath aayega. Iske alawa company ki microsite par bhi is upcoming phone ki kuch details available hain. Ismein aapko 120Hz AMOLED screen di gayi hai aur ye FHD+ resolution ke saath aayegi. Saath hi ismein pictures mein 3.5mm audio jack bhi dikhta hai aur triple rear cameras bhi. Ismein 64MPke primary camera ke saath 8MP ka ultra wide angle camera aur 2MP ka macro lens moujood hoga.

Is phone ke liye company ne gaming company ne saath partnership bhi ki hai aur aapko is par Asphalt 9 Legends bhi milega jahan aap ek online e-sports time limited event ka part ban sakte hain. Iske alawa ismein ek punch-hole selfie camera bhi nazar aa raha hai. Saath hi phone mein 50W Super Dart Charge fast charging support ki bhi jaankaari di gayi hai.

Realme X7 Max 5G

 Realme X7 Max 5G, Realme X7 series ka third phone hai. Isse pehle company India mein Realme X7 5G aur Realme X7 Pro 5G ko bhi launch kar chuki hai. Ise India mein Black, Grey aur Pink colors mein release kiya jayega. Phone mein 12GB tak ka RAM aur 256GB tak ki UFS 3.1 storage support ki jaankaari di gayi hai.

Wahin Realme Realme Smart TV 4K range ke teasers se hjo features saamne aaye hain unke according ismein Dolby Vision aur Dolby Atmos support bhi hoga. Is nayi range mein company 43 inch aur 50 inch ke do variants launch karne waali hai jo Ultra HD resolutions ke saath aa sakte hain. Isse jyada details abhi inki available nahin hain.

Well, in sabhi products ke detail features aur prices May 31 ko saamne aane waale hain. Details ke liye Sharmaji Infinity par bane rahiye.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: