Realme X50 & X50 Lite Ke Specs Launch Se Pehle Leak: 60MP Camera & Much More

Realme X50, Realme ki taraf se aane waala first 5G phone hai. Is handset ke launch ki announcement company ne isi week ki hai, aur aaj iske specs bhi saamne aaye. Leaks ke according is handset ke sath iska ek aur version X50 Lite bhi launch kiya jayega.

Realme X50 ke leaks aur kahin nahin balki social media platform Facebook par ‘Realme fans’ naam ke page par nazar aaye.

‘Realme fans’ page par share kiye gaye post ke according, Realme X50 mein latest Snapdragon 735 5G chipset hoga aur ismein 60MP quad camera setup dekhne ko milega. Is handset mein 6.44 inch ki full HD+ Super AMOLED display aayegi. Ye 90Hz refresh rate ke saath aayegi.

Ye 5G handset three storage variants mein aayega jinmein 6GB+128GB, 8GB+128GB aur 8GB+256GB shaamil hain. Iske alawa iske primary rear sensor mein 60MP resolution aur Sony IMX686 sensor hoga. Iske alawa 8MP ka wide angle sensor, 2MP ka macro lens aur 2MP ka depth sensor shaamil hai.

Iske alawa dual selfie snapper bhi aapko ismein milenge jismein 32MP ka primary camera aur 8MP ka wide angle lens shaamil hain. Realme X50 mein 4500mAh ki battery ho sakti hai.

Isi ke saath in leaks ke according, iske ‘Lite’ version mein MediaTek MT6885 5G processor aur 5000mAh battery hone ki baat saamne aayi hai. X50 Lite mein 6.55 inch ki full HD+ IPS LCD display hogi aur ismein bhi quad rear camera setup ho hoga.

Ismein 16MP+8MP+2MP+2MP ke quad rear cameras honge aur selfies ke liye aapko 32MP ka single camera milega. Ismein sirf two storage options aane ki baat saamne aayi hai, jinmein 6GB+128GB aur 8GB+128GB shaamil hain.

Well, ye abhi first leaks hain, lekin ye kitne sahi hain, ye abhi confirm nahin hai. Iske liye aapko aur humein kuch samay aur intezaar karna hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: