Realme X50 Pro Ki Global Launch Date Company Ne Ki Announce, CMO Ne Reveal Kiye Specs

MWC 2020 cancel hone ke baad bhi Realme apne flagship phone Realme X50 Pro ko launch karne ki announcement kar chuki hai. Company same date par hi yaani ki February 24 ko hi is handset ko announce karne waali hai aur iske liye unhone ek online event organize kiya hai.

Realme is online event ko Madrid se telecast karne ka plan kar rahi hai. Iske alawa khud Realme VP ne hi Realme X50 Pro ke specifications reveal kiye hain. Unhone confirm kiya ki ye handset Snapdragon 865 chipset ke saath 12GB RAM aur 256GB inbuilt storage ke saath launch kiya jayega.

Ismein Realme UI 1.0 ke saath Android 10 aapko software part par milega. Realme X50 Pro mein 65W Darf fast charging support bhi confirm kar diya gaya hai.

Isi ke saath Realme India ke CEO, Madhav Seth ne Twitter par bataaya hai ki Realme ki nayi charging technology mein kisi bhi tarah ka heating issue nahin hoga aur battery ki life bhi increase hogi.

Is upcoming handset mein dual punch-hole selfie cameras ke saath 90Hz refresh rate display hogi.  Rumors ke according ismein 64MP camera quad rear camera setup hoga, jo Sony IMX686 sensor ke saath ayenge. Saath mein ek ultra wide angle lens, telephoto lens aur depth sensor unit bhi moujood hongi.

Isi ke saath Madhav Seth ne ye bhi hint diya hai ki global announcement ke baad jaldi hi ye phone India mein bhi launch ho sakta hai.        

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: