Realme X50 Ke Key Specs Aur Price, Ek Specs Sheet Se Leak Huye

Realme X50, company ka first 5G phone hai jise company January 7, 2020 ko launch karne jaa rahi hai. Halaanki is handset ke kuch key specs company teasers mein confirm kar chuki hai, lekin aaj ek specs sheet ke through is handset ke complete specs aur price leak ho chuki hai.

Lagbhag one week mein Realme X50 announce China mein announce kiya jaana hai aur aaj is handset ki complete specs sheet saamne aa chuki hai. Halaanki ye ho sakta hai ki ye specs sheet sahi naa ho, lekin phir bhi rumors par based is sheet se aapko phone ke price aur specs ka andaaza zaroor lag jayega.

Is specs sheet ke according, Realme X50 mein  6.67 inch ki IPS LCD display, full HD+ resolution ke saath milegi. Phone mein protection ke liye Corning Gorilla Glass 5 bhi hoga. Realme ne khud teaser mein dual punch-hole selfie camera confirm kiye hain aur ye sheet bataati hai ki main front camera 32MP ka aur secondary 8 MP ka hoga. Iske alawa ye bhi confirm ho chuka hai ki ismein Snapdragon 765G chipset hoga.

Is handset mein 8GB tak ki LPDDR4x RAM, 256GB tak ki UFS 2.1 storage ke saath aa sakti hai. Battery bhi yahaan aapko 4500mAh ki mil sakti hai, jismein 30W VOOC 4.0 flash fast charging dekhne ko mil sakti hai. Quad rear camera setup ko lekar ye list jo reveal karti hai, uske according, 64MP ka primary Samsung GW1 sensor hoga, 8 MP ka ultra wide angle lens hoga, 13MP ka telephoto lens aur 2MP ka super macro lens aapko mil sakta hai.

Realme X50 mein dedicated microSD card slot, Wi-Fi 802.11ac, Bluetooth 5.0, GPS, USB Type-C port aur 3.5mm audio jack shaamil honge.

Ab aate hain price par, is handset ki kimat jo sheet mein nazar aa rahi hai, wo hai – 6GB+128GB variant – 2199 yuan (approx. 22,500 INR), 8GB+128GB – 2499 yuan (approx. 25,500 INR), 8GB+256GB version – 2799 yuan (approx. 28,500 INR)

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: