Realme X2 Pro Next Month India Mein Hoga Launch, Company Ne Reveal Ki Date

Realme ne 15th October ko hi Realme X2 Pro ko China mein announce kiya hai aur agle hi din yaani ki aaj company ne iski India launch date ki details reveal kar di hain. Realme ne Realme X2 Pro ke launch invite bhi send kar diye hain aur bahut jaldi ye handset India mein launch hone jaa raha hai.

Neeche diye gaye invite mein aap dekh sakte hain ki flagship chipset Snapdragon 855 Plus ke saath aane waala Realme X2 Pro India mein 20th November 2019 ko launch hone jaa raha hai aur iske liye company New Delhi mein ek press event host karegi jahaan ise introduce kiya jayega.

Is handset ke alawa company kuch aur surprises bhi dene waali hai, lekin wo kya honge iske baare mein abhi kuch nahin pata hai.

Realme X2 Pro mein Snapdragon 855 Plus ke alawa bhi kaafi powerful features hain, jaise ki 64MP camera, 50W Super VOOC Flash Charge, Dolby Atmos aur dual stereo speakers ke saath Hi-Res audio certification, etc.

Well, iske alawa Realme X2, jo ki Snapdragon 730G ke saath China mein announce hua hai, use bhi company December 2019 mein India mein lekar aane waali hai, jiski announcement kaafi pehle ho chuki hai.

Ab aap bhi btaaiye ki kya aap bhi in dono smartphones ke liye excited hain ?

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: