Realme X2 Pro Ke Saath Realme 5s Bhi Hoga India Mein Launch, Phone Mein Milega Quad Rear Cameras

Realme ne kuch din pehle hi Realme X2 Pro ki India launch date ko announce kiya tha. Bataya gaya tha ki yeh phone 20th November ko India mein launch kiya jaayega. Haal hi Flipkart par ek teaser poster reveal kiya gaya hai jismein bataya gaya hai ki company same date mein Realme 5s ko bhi India mein launch karne wali hai.

20th November ko launch hone wale smartphone Realme 5s  ki main highlight mein iska rear camera hai jo ki 48MP setup ke saath diya jaayega.  Phone mein quad rear camera setup aapko milega, jaisa ki teaser image mein clearly dekha jaa sakta hai. Quad rear cameras ke alawa phone ke back panel par physical finger print scanner bhi dikhai de raha hai. Iske alawa phone ka back side, diamond cut design kiya gaya hai, jaisa ki humein Realme ke phones mein pehle bhi dekhne ko mila hai.

Phone ke right side par power button dikhai de raha hai. Phone ke saath ek tag line “Ultra Detailed Pictures, that remain sharp even when zoomed in” mention ki gayi hai. Iss se expect kiya jaa raha hai ki phone mein behtar telephoto lens dekhne ko mil sakta hai. Yeh phone Flipkart exclusive hoga.

Iss se pehle Realme 5s ko Bureau Of Standards (BIS) aur National Broadcasting and Telecommunications Commission (NBTC) certification website par RMX1925  model number ke saath spot kiya gaya tha. Well, inn sabhi details ke saamne aane ke baad phone 20th November ko launch hoga, jiske baad hi humein phone ke full specs, price aur availability ke baare mein pata chalega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: