Realme X2 Pro Coming Soon – Kuch Features Ke Saath Company Ne Kiya Teaser Out

Realme  jaldi hi apna naya smartphone Realme X2 Pro launch karne waali hai aur iska teaser bhi company ne aaj show kiya hai, jismein phone ke front panel ka design aur kuch specs confirm hote hain.

Well, company khud ye confirm kar chuki hai ki latest aur fastest chipset Snapdragon 855 Plus ke saath company ka first phone Realme X2 Pro hi hai. Saath hi ismein 65W VOOC fast charging support bhi hoga. Iske alawa neeche diye gaye teaser mein bhi aap iske kuch specs dekh sakte hain.

Iske alawa Realme X2 Pro mein bhi 64MP primary camera ke saath quad rear camera setup moujood hoga. Is phone mein company lagbhag sabhi flagship features dene ki planning kar rahi hai. Is handset mein aapko haal hi mein launch huye OnePlus 7T ki hi tarah 90Hz refresh rate ke saath fluid AMOLED display milne waali hai.

Isi ke saath Realme ki parent company Oppo bhi apne upcoming handset Reno Ace mein 65W VOOC fast charging support dene jaa rahi hai. Is fast charging technology ko lekar company daawa karti hai ki ye 4000mAh ki battery ko kewal 30 minutes mein full charge kar sakti hai, lekin Realme X2 Pro ki battery capacity kya hai, isko lekar abhi koi khabar nahin hai.

Ummid hai ki launch se pehle company kuch aur specs details bhi reveal karegi aur saath hi iska global launch Europe mein hoga, jo ki isi month October 2019 mein expect kiya jaa raha hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: