Realme X With 48MP Camera & Up To 8GB RAM Announced

Realme ne jaisa promise kiya tha, aaj Realme X ko company ne globally launch kar diya hai. Is smartphone ko Steam White & Punk Blue colors mein announce kiya gaya hai. Saath hi company ne ismein three storage variants announce kiye hain, jinmein top-end variant aapko 8GB RAM ke saath milta hai.

Aaiye badhte hain detailed specs ki taraf, Realme X mein 6.53 inch ki full HD+ AMOLED display hai aur saath hi yahaan bhi Realme 3 Pro ki hi tarah aapko Corning Gorilla Glass 5 protection milta hai.

Last month launch huye Realme 3 Pro ki tarah, is smartphone mein bhi Octa Core Qualcomm Snapdragon 710 chipset hi diya gaya hai aur saath mein Adreno 616 GPU moujood hai. Iske alawa yahaan aapko Android 9.0 Pie OS ke saath Color OS 6.0 milta hai.

Realme ki taraf se, Realme X first smartphone hai, jismein aapko in-display fingerprint scanner milta hai aur is price segment mein ye ek achha feature hai. Saath hi yahaan par 48+5 MP ke dual rear cameras hain. Redmi Note 7 Pro ko takkar dene ke liye, finally Realme X mein bhi 48 MP ka main camera Sony IMX586 sensor, f/1.7 aperture aur 6P lens ke saath diya gaya hai, jabki 5MP ka lens yahaan depth focusing ke liye hai.

Realme X mein 3765mAh ki battery VOOC 3.0 fast charging support ke saath moujood hai. Is smartphone mein dual SIM support bhi aapko milta hai.

Iske alawa is handset mein aapko pop-up selfie camera milta hai, jo ki 16 MP resolution, Sony IMX471 sensor, f/2.0 aperture jaise features ke saath diya gaya hai.

Ab aate hain pricing details par. Realme X mein 4GB RAM ke saath 64GB storage, 6GB RAM ke saath 64GB storage aur 8GB RAM ke saath 128GB storage release kiye gaye hain. Inke prices neeche mention kiye gaye hain.

  • 4GB+64GB – 1499 yuan (15,000 INR)
  • 6GB+64GB – 1599 yuan (16,000 INR)
  • 8GB+128GB – 1799 yuan (18,000 INR)
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: